Njelemiya 7:34 - Livulu lya Shukulu Kalunga

³⁴ Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Njelemiya 7:34 Iomraidhean Croise

Yombi 3:7

Kesi kusemuke munu mu vutsiki vuje, majwi akujolela kesi akalemo.

Myaso 78:63

Vakwenje vavatsiilile mu nzita, co vambanda kuvashombokele.

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Njelemiya 16:9

Tolilila ku evi njendeka yange Kalunga Muka-nzili yoshe Njambi ya Isalele. Njikolwesa muyoyo wakujolela nakuvwaelela, na muyoyo wakuvwaelela mu viwano vya vulo. Vanu valimuno vakayoya mukumona evi vilingiwa.

Njelemiya 22:6

“Kuli yange, lipela lya vumwene vwa Yunda linapu lyalivwa manene ngwe lifuti lya Ngilyande, co ngwe lalo Minkinda ya Lembanone, oloni njikalipwisa ngundu muje naumo wai akakalamo.

Njelemiya 25:10

Njikolwesa miyoyo yavo yakujolela nakuvwaelela, na miyoyo yakuvwaelela a viwano vya malo. Kuvakakala na mazi mu vindeya vyavo, co kukukakala lalo vimbuto vya vinona.

Njelemiya 27:17

Kesi muvatolilile embwe! Likeeseni kuli mwene wa Mbambilone, co mukayoya! Omwo vikajo nganda eyi ikemuka ngundu?

Njelemiya 33:10

Shukulu Kalunga nendekele ngwendi, “Vanu valinakwendeka ngwavo mutambela uno unapu ngwe mambo, muje kumwesi vanu nambe tusitu. Vanendeka mwa vushunga, vinganda vya mu Yunda na vitapalo vya mu Yelusalema vili mupulungwa, kumwesi nakukala vanu nambe tusitu. Oloni mu mutambela ou, mukaziva lalo

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njelemiya 4:26

Lifuti lya vwilo lyapwile mambo, na vinganda vyalyo vyasiwukile, omwo vukalu vwakama vwa Shukulu Kalunga.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Mbimbi 5:14

Tukulukazi lalo kuvesi na simbu yakutumbama ku cikolo ca nganda, co matukuka a vakwenje kuvesi na simbu lalo yakwimba myaso.

Ezekiyele 26:13

Njikolwesa myaso yove yoshe, co njikakuvindika kwimba tulyalya.

Ezekiyele 7:11

Vukalu vusholola vilinga vya kupenga-penga. Cuma nacimo cai cavo cikasalao, cuma nacimo cai ca ku vufuko vwavo, na ku vuvwa vwavo, nambe ku vumpau vwavo, cikasalao.

Hoziya 2:11

Co njikavindika viwano vyendi vyakulisamba vyoshe, viwano vyendi vya a mwaka na mwaka, na a ngonde na ngonde na viwano vyendi vyakulisamba a Litangwa Lyakuhwima, na vikungulukilo vyendi vyoshe vyakulemesa.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Mika 7:13

Oloni lifuti likapwa ngundu omwo ya vuvi vwa vaje valimo.

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!