Njelemiya 7:33 - Livulu lya Shukulu Kalunga

³³ Co tuzila na tusitu vakalya mivila yavo, co naumo wai akavashekao.

Njelemiya 7:33 Iomraidhean Croise

Isaya 18:6

Mivila ya mashwalale vaSundane vakaisezela tuzila na vikashama. Tuzila vakalya mivila yavo a ndombo, co tusitu vakalya mivila yavo a cisika.”

Njelemiya 12:9

Vanu vange vakwangula vanafu ngwe kazila, uje valinakulwisa ku tumbembe ku mitambela yoshe noku-noku. Saneni tusitu vaije ku ciwano!

Njelemiya 14:16

Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 15:3

Yange Kalunga, njikavahisa na vyuma viwana vyakukomokesa vije vikalingiwa ali vakevo, vakavatsiila mu nzita, co mivila yavo vakaikokangeya tutali, na tuzila vakailya, na vikashama va mu shwata vakambulukuta vitsiya vyavo.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 22:19

Vakamutsinda ngwe cimulu, vakamukoka nakumumbila anja ya vikolo vya Yelusalema.”

Njelemiya 25:33

A litangwa lije, mivila ya vaje vaatsiile Shukulu Kalunga ikakala nakushandozoka kutunda ku shongo imo ya kaye nakweta ku shongo ikwavo. Naumo wai akavalila, nambe kuvatsinda. Vakalala asi ngwe mitumbo ya vwilo.

Njelemiya 34:20

Njikavakundika ku mavoko a vitozi vavo vaje vakavatsiya, co mivila yavo vakailya tuzila na tusitu.

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Njelemiya 9:22

Vivimbi vinashandokela kwoshe-ikwoshe, ngwe vinumbo vya vwilo vwa mu mahya, nambe ngwe tiliku ivanateje, oloni vaka-kuteja vanaiseze, naumo wai asa kuyikungulula. Evi vikevyo vyananjileke Shukulu Kalunga ngeci njivyendeke.”

Ezekiyele 29:5

Njikakumbila mu mambo amolika na visi va mu ndonga. Muvila wove ukalala asi kuvakakutsindi. Njikana muvila wove ku tuzila na tusitu kupwa vyakulya vyavo.

Ezekiyele 39:4

Ngonge na mashwalale vendi na vasamba vendi vakatsila a minkinda ya Isalele, co mivila yavo ikapwa vyakulya vya tuzila voshe na tusitu.

Kwituluka mu Mashiko 28:26

Mitunu yeni ikapwa vyakulya vya tuzila na tusitu, co kukwesi umo akavasheka wai.

Kwituluka mu Mashiko 8:20

Nga yeni kumwononoka Shukulu Kalunga, co mukanyonga ngwe muje Shukulu Kalunga mwakanyongesa miyati ije vali kulutwe kuje mulinakuya.