Njelemiya 7:32 - Livulu lya Shukulu Kalunga

³² Ngecivene, litangwa likaija, omo mwela uje kuvakautumbula lalo ngwavo Tofete nambe Cana ca Hinome, oloni vakautumbula ngwavo Cana Cakutsiila. Vanu vakavatsinda muje, omwo kukukakala lalo mwela wakuvatsindila.

Njelemiya 7:32 Iomraidhean Croise

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

Njelemiya 19:11

nakuvaleka ngwange Shukulu Kalunga Muka-nzili yoshe nendeka ngwendi, “Njikatsiya vanu ava na nganda eyi, ngwe munu atsiya njava ya vuma ije kuvasa kuyimunga-munga lalo. Vanu vakatsinda vivimbi vyavo mu Tofete, omwo kukwesi kweka lalo kwakuvatsindila.

Njelemiya 19:13

Vinjuvo vya mu Yelusalema na vinjuvo vya vimyene va mu Yunda, na a viluli vya vinjuvo vyoshe aje vakele nakwenyekela insense ku vingongonosi, na kuje vakele nakwitilila vinyu kupwa mulambu ku vinjambi veka, vyoshe vikapwa vya mazilo ngwe ku Tofete.”

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Njelemiya 19:6

Ngecivene, simbu ikaija omo mutambela uno kuvakautumbula lalo Tofete nambe Cana ca Hinome. Oloni vakautumbula Cana Cakutsiila.

Njelemiya 31:40

Mu cimbongo muje vakatsindi vivimbi, nakumbila vishwashwa, na mahya oshe a vulamatelo a kandonga ka Kindelone kuketa na ku Cikolo ca Tuvalu mu ngangela, kuli yange ikapwa mitambela yakujela. Nalumo lwai lalo vakasiwula Yelusalema nambe kuyinyongesa.”

Njelemiya 7:31

Vanatungila mutula mu Cana ca Hinome uvatumbula ngwavo Tofete, ngeci vakombelele vana vavo va vanalume na ava va vanakazi kupwa vin̄ombelo vya kwenyeka. Yange kunjavashikile kulinga ngeci embwe, nameme kuciyongola mu mbunge yange.

Ezekiyele 6:4

Mitula ikasiwuka, co mitula ya insense ikapokozoka. Vanu voshe vakavatsiila kulutwe lwa tumponya twavo.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.