Njelemiya 7:30 - Livulu lya Shukulu Kalunga

³⁰ “Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Njelemiya 7:30 Iomraidhean Croise

2 Vimyene 21:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya, watungile mitula yakulemesela Mbale, co walingile cifwa ca Ashela njambi wa munakazi, ngwe mwalingile Mwene Ahave wa mu Isalele. Co lalo walemesele vingongonosi.

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Vimyene 23:12

Mwene Yosiya wasiwile mitula ije ivatungile vimyene va mu Yunda akamwa ya mulili wa kwilu wa lipela lya Mwene Ahaze, amolika na mitula ije yatungile Mwene Manase mu mitambela ivali ya vimbanja vya mu Njuvo ya Shukulu Kalunga. Wasiwile ije mitula nakuyivujula, co likungu lyayo walyumbilile mu Cana ca Kindelone.

2 Mizimbu 33:15

Co watundisile mu Njuvo ya Shukulu Kalunga vinjambi veka na cifwa cije caakelemo, na mitula ya vaka-kujeneka kukulaela ije yakele a malundu aje emanene Njuvo ya Shukulu Kalunga na mu mitambela ikwavo ya mu Yelusalema, watwalele vyuma vyoshe evi anja ya nganda, wavyumbilile kuti.

2 Mizimbu 33:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya. Watungile mitula yakulemesela Mbale, co walingile vifwa vya Ashela njambi wa munakazi, co walemesele vingongonosi.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

Isaya 66:4

Ngecivene, njikanena tuyando twakama ali vakevo, vyuma vivazivila lyova manene, omwo naumo wai wakumbulwile omo njasanene, nameme kutolilila omo njendekele. Co valingile vyavivi ku mesho ange, vaangwile vije kuvyanjivwaelesele.”

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Njelemiya 23:11

Shukulu Kalunga alinakwendeka ngwendi, “Vaka-kwimanena na vaka-kukombelela voshe kesi vaka-kunjikomoka, njinavawana valingila vuvi mu Njuvo yange.

Njelemiya 32:34

Vanaaka tumponya tuje tunjazinda mu Njuvo yange, mwela uje njatumbwile ngwange mukemwo vakanjilemesela, co vanaijwalesa.

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Ezekiyele 8:3

Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”