Njelemiya 7:29 - Livulu lya Shukulu Kalunga

²⁹ “Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Njelemiya 7:29 Iomraidhean Croise

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

Yombi 1:20

Yombi wakatukile watavwile vuzalo vwendi mukuviilila. Co watewile ku mutwe wendi, walyumbilile asi nakulemesa Shukulu Kalunga.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Njelemiya 12:7

Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Njelemiya 14:19

Shukulu Kalunga, kuma unavyana vene Yunda ndi? Kuma wazinda vanu va ku Siyone ndi? Omwo vikajo watuvulumwina mwamuvi ngacije ngeci kutwesi nakukanguka? Twakengelelele kwoloka, oloni nacimo cacivwa calingiwile cai, cinyangavili cetu capwile cakwinduka, oloni kwezile lika tuyando.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 3:2

Kenga akamwa ya malundu. Kuma kuli mutambela umo kuje kuwajenekele kulingilako vupangala ndi? Yove wakele nakuvandamena vikwizi kumukulo wa tapalo, ngwe kaAlambe avandamena vanu mu mambo. Yove unajwalesa lifuti na vukwizi vwove.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 47:5

Vusiwa vwakama vunaija kuli vanu va ku Ngaza, vanu va ku Ashekelone vanoloka kuluu. Visimbu vingaijo vaFilisitiya vakalila?

Njelemiya 48:37

Voshe vanateula mitwe yavo nakukamba minjezi yavo. Voshe vanalilengula vimbandu a mavoko avo, co munu woshe nazala cikeleya.

Njelemiya 6:30

Vakavatumbula vinyanya vyangoco, omwo yange Kalunga njinavavyana.”

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Mbimbi 5:22

Indi unatuvyana vene ku myaka yoshe ndi? Kuma kukwesi naa asikisila kuluvala kwove ndi?

Ezekiyele 19:1

Shukulu Kalunga wanjilekele kwimba mwaso ou wa vusiwa ku vana va vimyene vavali va Isalele.

Ezekiyele 28:12

“Muna munu, linyenge luvinda luje lukaija ali mwene wa ku Tile. Muleke evi vinjendeka yange Kalunga wa Akamwa ya Vyoshe ngwove, ‘Yove wapwile cimweso ca vushunga. Wapwile wa mana na vuvwa.

Amose 5:1

Tolilileni, yeni vanu va Isalele, ku mwaso wa vusiwa ou njimimbila.

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Mateo 12:39

Oloni wavakumbulwile ngwendi, “Vanu vavavi va matangwa ano vakujeneka kukulaela vashaka lika cizivukiso, oloni cizivukiso nacimo cai mukamona kuvanga lika cizivukiso ca Yona muka-kwimanena.

Mateo 16:4

Yeni vanu va muyati wauvi vaka-kujeneka kukulaela! Yeni mwihula lika ngeci njimileke cizivukiso ndi? Embwe! Kuvanga cizivukiso ca Yona lika.” Ngecivene, wavasezele waile.

Mateo 23:36

Mwa vushunga njimileka ngwange, cihiso coshe eci cikaija ali vanu va matangwa ano!

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Vilinga vya Miluwa 2:40

Petulu wendekele kuli vakevo na majwi amangi eka nakuvalambelela ngwendi, “Lyameneni yeni vavenya ku kunyanyamesa kulinakwija ali vanu ava va vilinga vya kupenga-penga!”

Kwituluka mu Mashiko 32:5

Oloni yeni mwalingile mwamuvi kuli ikeye, co kumwapandele kupwa mu vanu vendi embwe, muyati wauvi wa makuli.