Njelemiya 7:25 - Livulu lya Shukulu Kalunga

²⁵ Kutunda a litangwa lije vakukulwila veni vatundile mu Ingito noo ku litangwa lya lelo, njinakala nakumitumina vangamba vange vaka-kwimanena.

Njelemiya 7:25 Iomraidhean Croise

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

2 Mizimbu 36:15

Co Shukulu Kalunga, Njambi ya vakukulwila vavo, wakele nakutuma vaka-kwimanena vanangule vanu vendi, omwo wakele na ngozi navo, na Njuvo yendi.

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 5:4

Kuma cuma mukajo kunjalingile ku citungu cange? Cooni omwo vikajo kunemi vushuka vwakukamata, oloni kesi vushuka vwavuvwa vuje vunjayongwele?”

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 25:3

“A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 29:19

Evi vikalingiwa kuli vakevo omwo kuvononokele lijwi lije njakele nakutuma kuli vakevo ali vangamba vange vaka-kwimanena. Vavyanene kutolilila.

Njelemiya 35:14

Vatekulwila va Yonandave vanononoka lishiko lya kukulwila yavo lyakujeneka kunwa vinyu, nakweta ku litangwa lya lelo kuvesi kunwa vinyu. Oloni yange njinakala nakwendeka kuli yeni simbu yoshe, oloni yeni kumwesi kunjononoka.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Njelemiya 7:13

Munalingi vuvi vwoshe ovu, nameme njendekele kuli yeni visimbu vyavingi, oloni kumwanjitolililile. Njamisanene, oloni kumwanjikumbulwile.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Hoziya 12:10

“Njendekele kuli vaka-kwimanena, co njavasholwelele vimona vyavingi. Co njanangwile vanu vange ali vaka-kwimanena.

Amose 2:11

Njaangwile vamo va vana veni kupwa vaka-kwimanena, co na vakwenje veni vamo kupwa vaNazalite. Kuma eci kucapwile ca vushunga, eni vanu vaIsalele ndi? Yange Kalunga, njinendekamo.

Malakiya 3:7

Kutunda ku simbu ya vakukulwila veni nakweta ku lelo lino munalimbulula mashiko ange, co kumwavilingile. Ilukeni kuli yange, co yange njikamitambula, co mwihula ngweni, ‘Vatijo twasa kwiluka kuli yove?’

Luka 11:49

A cuma eci Mana a Njambi anendeka ngwawo, ‘Njikavatumina vaka-kwimanena na miluwa, vakatsiya vamo vavo, co vamo vakavayandesa.’

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.