Njelemiya 7:23 - Livulu lya Shukulu Kalunga

²³ Oloni njavashikile lika ngwange nga vanjononoka, yange njikapwa nji Njambi yavo, na vakevo vapwe vanu vange, co vyuma vyoshe vikakala mwamuvwa kuli vakevo.

Njelemiya 7:23 Iomraidhean Croise

Yombi 36:11

Nga vononoka kuli Njambi nakumupangela, co vakayoya mwamuvwa mu kwoloka.

Myaso 119:3

Vanu vaje kuvesi kulinga mwamuvi, oloni vayoya mukwononoka Shukulu Kalunga.

Myaso 40:6

Yove kuushaka kukukombelela vin̄ombelo, yove kuwesi kulomba tusitu twamutunu twa kwenyeka a mutula, nambe vin̄ombelo vya a vuvi. Oloni unanjana matwi akukuziva,

Myaso 81:13

Nga vanu vange vanjitolililile, nambe nga vanjononokele,

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Kutuuka 16:32

Mosesa wendekele ngwendi, “Shukulu Kalunga watushikile kutulikilako maana amo vatekulwila vetu, co vakevo vakamone vyakulya evi vyatwanene kuvilya mu mambo omo watutundisile mu Ingito.”

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Njelemiya 11:4

Cinapu cikumiiyo cije njalikumiiye na vakukulwila vavo omo njavatundisile mu Ingito, lifuti lije lyafwile kuli vakevo ngwe tuhya twa mu lutengo. Njavalekele ngeci vanjononoke nakulinga vyuma vyoshe vije njashikile. Njavalekele ngwange nga munjononoka, co mukapwa vanu vange, nange njikapwa Njambi yeni.

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 13:11

Ngwe mwiva muukakakateya mu mbunda ya munu, mukemwo vene vanu va mu Isalele voshe, na vanu va mu Yunda voshe vakakateyeye kuli yange. Njalingile vyuma evi ngeci vapwe vanu vange, co vakalemese nakusingimika lizina lyange, oloni kuvanjononokele.”

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 38:20

Co njamukumbulwile ngwange, “Naumo wai akakwana ku mavoko a vaYunda. Yange njikulomba lika ngwange wononoke majwi a Shukulu Kalunga, co vyuma vyoshe vikapwa vyavivwa kuli yove, co vakakuseza na mwonyo.

Njelemiya 42:6

Nameme vene nga kesi vije tushaka kulinga, anga vene tukononoka Shukulu Kalunga Njambi yetu, uje tulinakwihula yove ngeci utulombeleleko. Cikapwa cacivwa kuli yetu omo twononoka lijwi lya Shukulu Kalunga Njambi yetu.”

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Zakaliya 6:15

Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.

Zakaliya 7:7

Evi vikevyo vyendekele Shukulu Kalunga ali vaka-kwimanena vakulivanga a simbu ije omo Yelusalema yakele mwamuvwa nakushula na vanu, co lalo omo vanu vavangi kuvakele lika mu vinganda vije vyazengelekele Yelusalema, oloni vakele lalo mu lifuti lya ku mbwela, na mu lifuti lya ku vushelumukilo vwa malundu lya mu kangombe ka yambi.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

Kwituluka mu Mashiko 11:27

Mukavezika nga mwononoka mashiko a Shukulu Kalunga Njambi yeni, awa anjilinakumishika ku litangwa lya lelo.

Kwituluka mu Mashiko 13:4

Mukakavangeya Shukulu Kalunga Njambi yeni nakumukomoka, nakunyunga mashiko endi oshe, nakwononoka ku lijwi lyendi, co mukamupangela nakumukakateya.

Kwituluka mu Mashiko 13:5

Oloni mukatsiye muka-kunungulula vinjozi nambe muka-kwimanena, uje akamileka kutengulukila Shukulu Kalunga Njambi yeni, uje wamitundisile mu lifuti lya Ingito nakumipatula ku vunzinda. Munu wa cifwa cangacije akamitangula ku ngila ije yamishikile Shukulu Kalunga Njambi yeni kwendamo. Munapande kumutsiya, ngeci mukatundise vuvi vuje vuli akati keni.

Kwituluka mu Mashiko 30:2

Nga yeni na vatekulwila veni mukeluka kuli Shukulu Kalunga Njambi yeni na vimbunge vyeni vyoshe nakwononoka mashiko endi aje njilinakumyana ku litangwa lya lelo,

Kwituluka mu Mashiko 30:20

nakuzema Shukulu Kalunga Njambi yeni nakwononoka lijwi lyendi nakukakateya kuli ikeye. Asinoni yeni na vatekulwila veni mukakala myaka yaingi mu lifuti lije lyakulaesele Shukulu Kalunga kulyana kuli vakukulwila veni, Avilahama, na Isake, na Yakomba.”

Kwituluka mu Mashiko 30:8

Co yeni mukononoka Shukulu Kalunga nakunyunga mashiko endi oshe awa njilinakumyana ku litangwa lya lelo.

Kwituluka mu Mashiko 4:10

Anukeni litangwa lije mwemanene ku mesho a Shukulu Kalunga Njambi yeni ku Munkinda wa Sinai, omo Shukulu Kalunga wendekele kuli yange ngwendi, ‘Kungulula vanu. Njishaka valizivile vakevo vavenya evi njendeka, ngeci valilongese kunjizivila lyova matangwa oshe akuyoya kwavo mu lifuti, ngeci vakavilongese kuli vana vavo.’

Kwituluka mu Mashiko 4:40

Ngecivene, ononokeni mashiko endi oshe aje anjinamyana ku litangwa lya lelo, ngeci mukamone vyavivwa, yeni na vatekulwila veni. Co mukakala simbu yoshe mu lifuti lije lyakamyana Shukulu Kalunga Njambi yeni kupwa vushwana vweni ku myaka yoshe.”

Kwituluka mu Mashiko 5:16

“ ‘Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

Kwituluka mu Mashiko 5:33

Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.

Kwituluka mu Mashiko 6:3

Ngecivene, tolilileni, yeni vanu va Isalele, ononokeni nakuwanyunga mwamuvwa. Co mukatuma manene ngwe muje Shukulu Kalunga Njambi ya vakukulwila veni mwamikulaesele mu lifuti lije lyalivwa nevi vyakujenekamo vyai.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.