Njelemiya 7:19 - Livulu lya Shukulu Kalunga

¹⁹ Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Njelemiya 7:19 Iomraidhean Croise

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Yombi 35:6

Nga ulinga vuvi, eci kucinene vushonde kuli Njambi. Nga uviisa visimbu vyavingi, kuma eci kucipu vushonde kuli ikeye ndi?

Isaya 1:20

Oloni nga munjivyana nakunjikengesa nima, co vitozi vakaminyongesa. Yange Kalunga, njinendekamo.”

Isaya 1:24

Ngecivene, ololo tolilila kuli vije vyendeka Shukulu Kalunga Muka-nzili yoshe, Njambi ya Isalele muka-kushwana wa nzili ngwendi, “Njikalinga shambandinga ali yeni vitozi vange, co kumukanjinenela lalo tuyando.

Isaya 45:16

Vaje voshe vaka-kushonga tumponya vakapwa viyambangani, nakuziva shwamwa.

Njelemiya 15:9

Cisemi wa munakazi akalezumuka, ceke ca mutanya cinapu lisusulungu, akumona vana vendi vatanu na vavali vanatsi. Njikatsiya munu woshe uje akasalao, Yange Kalunga, njinendekamo.”

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 25:7

Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 44:3

omwo vanu vamwo valingile vuvi, co vanjiluvalesele. Vanakombelela vin̄ombelo ku vinjambi veka, nakupangela vinjambi vaje nambe vakevo, nambe yeni, nambe vakukulwila veni kuvavalemesele.

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Njelemiya 9:19

Tolilileni mutambi wakulila mu Siyone ngwawo, “Twaviya! Cili vene tuli na shwamwa yakama! Tunapande kutunda mu lifuti lyetu, membo etu vanawasiwula.”

Ezekiyele 16:26

Unalingi vupangala na vaka-Ingito va mashungu vaje vawalyata navo, co vupangala vwove vwanjiluvalesele.

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

Kwituluka mu Mashiko 32:16

Vashangumwine lifuwa lya Shukulu Kalunga akulemesa tumponya, co vamuluvalesele na vilinga vyavo vya vunyengwe.