Njelemiya 7:15 - Livulu lya Shukulu Kalunga

¹⁵ Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Njelemiya 7:15 Iomraidhean Croise

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

2 Mizimbu 15:9

Vanu vavangi va mu vumwene vwendi, vakutunda ku Efalime na Manase na Simyoni vakele nakwija kuli Asa omwo vamwene ngeci Shukulu Kalunga wakele amo nendi. Co Asa wavakungulwile voshe amolika na vanu va ku Yunda na ava va ku Mbenjemani.

Myaso 51:11

Kesi unjitundise ku mesho ove, co lalo kesi unjitundise munzinzime wove wakujela.

Isaya 7:16

Nameme simbu ije kanda icete, mafuti a vimyene vavali vaje vamizivisa lyova, vakaanyongesa.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 23:33

Shukulu Kalunga wendekele kuli yange ngwendi, “Njelemiya, nga umo wa ali vanu vange, nambe muka-kwimanena, nambe muka-kukombelela akwihula ngwendi, ‘Citele ca Shukulu Kalunga cika?’ Valeke ngwove, ‘Yeni munapu citele kuli Shukulu Kalunga, co ikeye akamyumbila kuti.’

Njelemiya 23:39

mwa vushunga vene njikavambata, co njikavombila kuti, amolika na vakevo na nganda ije injanene kuli vakevo na kuli vakukulwila vavo.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 52:3

Shukulu Kalunga waluvalele manene na vanu va mu Yelusalema na mu Yunda, ngeci wavazilwile kutunda ku mesho endi. Zendekiya watengulukilile Mwene Nevukaneza wa ku Mbambilone nakumulwisa,

Njelemiya 9:19

Tolilileni mutambi wakulila mu Siyone ngwawo, “Twaviya! Cili vene tuli na shwamwa yakama! Tunapande kutunda mu lifuti lyetu, membo etu vanawasiwula.”

Ezekiyele 23:31

Yove wakavele vilinga vya ndokazi yove, co nange lalo njikakwana nganja ya cihiso ya cifwa cimo ngeci uyinwe.”

Ezekiyele 33:25

“Valeke vije yange Kalunga wa Akamwa ya Vyoshe, njilinakwendeka ngwange, ‘Mulya situ oku ili na maninga. Mulinakulemesa tumponya. Mulinakutsiya. Cuma mukajo cimiyongwesa ngeci lifuti linapu lyeni?

Hoziya 1:4

Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

Hoziya 12:1

“Vyuma vyoshe vije vivakalingi vanu va mu Isalele kutunda ku mutondo nakweta ku vutsiki kuvyesi na seo, co vinapu vyakunyongesa. Makuli na vilinga vya muuka vinatumu akati kavo. Co valinakulikumiiya cikumiiyo na vaAsilya, nakulinga nganyo na vaka-Ingito.”

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Hoziya 7:13

“Vananyongo! Vananjiseza nakunjitengulukila. Vakavanyongesa. Njashakele kuvamena, oloni kunjilemesa kwavo kwapwile kwa makuli.

Hoziya 9:13

Shukulu Kalunga, njilinakumona vana vavo valinakuvayomba nakuvatsiya.

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Yona 2:4

Njayongwele ngwange unanjumbila kuti, kutunda kuli yove, co kunjikamono lalo Njuvo yove yakujela.

Kulava 1:32

Vana va Yosefa va vanalume, ku cikota ca Efalime, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo.