Njelemiya 7:12 - Livulu lya Shukulu Kalunga

¹² Yeni ku Shilo, mwela wakulivanga uje njangwile kunjilemeselako, mukamone vinjalingileko omwo vuvi vwa vanu vange va Isalele.

Njelemiya 7:12 Iomraidhean Croise

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:5

Oloni mukashakezeka mwela uje wakaangula Shukulu Kalunga Njambi yeni akati ka miyati yeni, kuje vanu vakaija ku mesho endi nakumulemesa.

Yoshwa 18:1

Omo vaIsalele vanatambula laja lifuti, co mbunga yoshe valikungulwilile ku Shilo, vashimbikile Mbalaka Mwakuliwanena.

Yoshwa 18:10

Co Yoshwa watele n̄ela ku Shilo nakwihula Shukulu Kalunga ali vakevo, co ikeye waanene livu ku muyati umo na umo wa Isalele vaje vasaleleo.

Maako 18:31

Co vinjambi va Mika vasalele kuje simbu yoshe ije Mbalaka yakulemesela Njambi yakele ku Shilo.

1 Samwele 1:3

Co a mwaka na mwaka Elekana wakele nakutunda kwimbo lyavo ku Lama waile nakulemesa nakukombelela kuli Shukulu Kalunga Muka-nzili yoshe ku Shilo, kuje kwakele vana va Eli, Hofene, na Finehase, vakevo vapwile vaka-kukombelela kuli Shukulu Kalunga.

1 Samwele 4:22

Ikeye wendekele ngwendi, “Vumpau vwa Njambi vwaseze Isalele, omwo vanambata Cikasa ca Cikumiiyo.”