Njelemiya 6:26 - Livulu lya Shukulu Kalunga

²⁶ Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Njelemiya 6:26 Iomraidhean Croise

Kushangumuka 21:16

watumbamene asi alyala kamandondo ngwe nunda ya mamita 100. Walyendekesele mu mbunge yendi ngwendi, “Kunjapandele kumona atsila munange.” Omo watumbamene kuje, co washangumukile kulila.

Yombi 15:21

Majwi a muteto akujujwisa anakovela mu matwi endi, co vezi vamulwisa omo ayongola ngwendi ali mwamuvwa.

Yombi 2:8

Yombi wakatukile nakutumbama a lishito lya lito, co wanonele citambi nakulipala naco a vimbandu vyendi.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Isaya 22:4

Ngecivene, njisezeni ange lika njilile manene vanu vange voshe vaje vanatsi. Kesi munjizembeleke embwe.

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Isaya 30:13

Ngecivene, mulonga weni unapu ngwe civumbe cacilaja cije cili na mwanzi wakutunda kwilu nakweta kwisi, co vwasi-vwasi ciwila asi.

Isaya 32:11

Munakele nakuyoya mwamuvwa kujeneka kulishoshomwena, oloni ololo, jajeni na lyova! Shululeni vuzalo vweni, co zaleni vikeleya.

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 15:8

Vifwile mu Yunda vakapwa vavangi manene kutuvakana lishen̄avu lya ku mema a kalunga. Vakanyonga a simbu ya mutanya, co visemi va vanakazi vakalilila vana vavo, vwasi-vwasi tuyando na lyova vikaija ali vakevo.

Njelemiya 18:22

Tuma mbunga ya vanu vakupukule vinjuvo vyavo kwa kuvanangula, valile na lyova. Vananjindila mbulu ngeci njiwilemo, co vananjitela myeto ngeci njitsemo.

Njelemiya 30:5

“Njazivile mutambi wakujajesa, mutambi wa lyova kesi wa kwoloka.

Njelemiya 4:11

Simbu ilinakwija omo vanu va mu Yelusalema vakavaleka ngwavo lihunzi lya ntwima lyakutunda mu mambo lilinakuhuwila nakushungama ali vanu vange. Kulikapu lihunzi lyakuhuwa mwamuvwa lyakupekumuna vishwashwa lika embwe,

Njelemiya 4:20

Tuyando tulinakulikavasana, lifuti lyoshe lyasala mupulungwa. Ololo vimbalaka vyetu vinanyongo, mavamba avyo anatavozoka tavu-tavu.

Njelemiya 4:8

Ngecivene, zaleni vikeleya, co lileni nakumbolozoka omwo vukalu vwakukomokesa vwa Shukulu Kalunga, vuli ali Yunda.

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Njelemiya 8:21

Mbunge yange inazeye omwo vanu vange vanazeye, njilinakulila, mwa vushunga vene njili na shwamwa.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Mbimbi 1:16

“Omwo vyuma evi mukemwo njilila misozi. Naumo wai anjizembeleka, nambe kunjitakamesa. Vitozi vananjifungulula, co vanu vange kuvesi na cuma cimo cije civanasala naco.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Mbimbi 3:16

Wakwitiiye cihanga cange asi nakunjisindiya ngeci njilye mamanya.

Mbimbi 3:48

Mesho ange alinakwita misozi ngwe vana va vindonga vya mita akunyonga kwa vanu vange.

Mbimbi 4:10

Tuyando twakama tuje twezile ali vanu vange twavanenelele tuyando twakukomokesa, visemi va vanakazi vatelekele vana vavo kupwa vyakulya vyavo.

Mbimbi 4:3

Nameme vaina ya vana va vimbanje akalele mwamuvwa vana vendi, oloni vanu vange vanapu ngwe vanavilanda, vali na muuka kuli vana vavo.

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Luka 7:12

Omo ikeye wetele kuyehi na cikolo ca nganda, co tufunde vatuwile civimbi anja. Uje munalume watsile wapwile mwana umolika waumo fwile, co mbunga yakama vatundile muje mu limbo vakele amo nendi.

Yakomba 4:9

Pweni vaka-kuviilila, tambekeni, lileni, tengulukeni kujolela kweni kupwe kulila, kujolela kweni kupwe kulisimoka!

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!