Njelemiya 6:23 - Livulu lya Shukulu Kalunga

²³ Mashwalale vavo va muuka vakujeneka mema ku mbunge vanambata mata avo a lusipa na mikwale yavo, muyoyo wa tuvalu twavo omo vashatuka unalifu ngwe kungwanjanga kwa mema a kalunga, vanalivwaesela cimweja kulwisa Yelusalema.”

Njelemiya 6:23 Iomraidhean Croise

Isaya 10:32

Ku litangwa lya lelo vitozi vali mu limbo lya Nombe, co kuje valinakwinazeka vin̄ome ku Munkinda wa Siyone, ku nganda ya Yelusalema.

Isaya 13:18

VaMende vakatsiya vakwenje na mata avo a lusipa. Kuvakazivila vimbututu mema ku mbunge, nambe kuzivila vanike lalo mema ku mbunge.

Isaya 17:12

Miyati ya nzili yakama vali mu vukalu na muyoyo ngwe cikumo ca mema a kalunga, ngwe kungwanjanga kwakama kwa mankimba a mema a kalunga.

Isaya 19:4

Njikana vaka-Ingito ku mavoko a mwene wa vukalu na muuka, Yange Kalunga Muka-nzili yoshe, njinendekamo.”

Njelemiya 25:32

Shukulu Kalunga Muka-nzili yoshe alinakwendeka ngwendi tuyando twakama tulinakwija ku muyati umo wa vanu na ku muyati ukwavo wa vanu, co lihunzi lyakama lilinakulikungulwila ku shongo ya kaye kwoshe.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 4:16

Vanaija mukunangula vanu nakuleka vaka-Yelusalema ngwavo vitozi valinakwija kutunda ku lifuti lya kulyala. Vitozi ava vakatambeka nakulwisa vinganda vya Yunda,

Njelemiya 4:29

Akuziva muyoyo wa vaka-kulonda a tuvalu na vaka-mata a lusipa, co vanu voshe vakatewela kulyala. Vamo vakatewela mu shwata, vakwavo vakavanda mu mamanya. Vinganda vyoshe vikasala vyamupulungwa, co naumo wai lalo akakalamo.

Njelemiya 5:16

Vanalume va muyati uje voshe vapwa mashwalale va nzili, mikili ya mata avo a lusipa ikanena kutsa.

Njelemiya 50:41

Kengeni vanu valinakutunda ku kunto, muyati wa vanu va nzili, co vimyene vavangi valinakulivwaesela nzita.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Njelemiya 6:4

Vimyene vakendeka ngwavo, “Livwaeseleni cimweja mulwise Yelusalema! Nga tuketa ku Yelusalema mutondo, co tukailwisa akati ka litangwa! Oloni nga tukotokela manene omo litangwa lyatoko na minzinze ya cingwezi lajoko yatenguluka,

Njelemiya 8:16

Vitozi vetu lajoko vali mu nganda ya Ndane, tunazivi tuvalu twavo valinakulyembula, co lifuti lyoshe lilinakujaja omo vanazivi tuvalu twavo voya. Vitozi vetu vanaija nakunyongesa lifuti lyetu na vyuma vyoshe vilimo, vanaija nakunyongesa nganda yetu na vanu vamwo voshe.”

Ezekiyele 21:31

Vukalu vwange vukaija ali yeni ngwe tuhya twakushukuma. Co njikamyana ku mavoko a vanu vavavi, vaje vazivuka manene kunyongesa vanu.

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.