Njelemiya 6:20 - Livulu lya Shukulu Kalunga

²⁰ Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Njelemiya 6:20 Iomraidhean Croise

2 Samwele 15:12

Co omo wakombelelele vin̄ombelo, Avisalome watumine lalo vanu ku nganda ya Ngilo nakusana Ahitofele, uje wapwile umo wa vaka-kunangula Mwene Ndaviti. Co vutumbe vwakulwisa mwene vwakolele, vanu vakavangeyeye Avisalome vapwile vavangi.

1 Vimyene 10:10

Co vamwene wa ku Shemba waanene vwana vwezile navwo kuli Solomoni. Makilo akutuvakana 4,000 a ngolinde, na n̄undu yaingi manene, na mamanya a seo yakama. Co n̄undu yamwanene vamwene wa ku Shemba yatumine manene ije kanda ayitambule nambe simbu ya kunima.

Myaso 40:6

Yove kuushaka kukukombelela vin̄ombelo, yove kuwesi kulomba tusitu twamutunu twa kwenyeka a mutula, nambe vin̄ombelo vya a vuvi. Oloni unanjana matwi akukuziva,

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Kutuuka 30:23

“Ambata n̄undu yaivwa manene, makilo atanu na limo a miila, makilo atatu a sinamone yakunika lwengo lwaluvwa, na makilo atatu lalo a kane yakunika lwengo lwaluvwa.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Isaya 1:11

Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Isaya 60:6

Matanga akama a tumelo, akatunda ku Mindyani na Efa. Vanu va Shemba vakanena ngolinde, na insense mukushangazala Shukulu Kalunga!

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 14:10

Shukulu Kalunga alinakwendeka ali vanu ava ngwendi, “Vanu ava vazema kulumbazala ngoco kuvasa kulinyunga vakevo vavenya embwe. Ngecivene, kunjesi nakuvwaelela navo. Njikanuka vuvi vwavo, vuje vuvanalingi, co njikavanyanyamesa omwo vuvi vwavo.”

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Ezekiyele 20:39

Co Shukulu Kalunga wa Akamwa ya Vyoshe wendekele ngwendi, “Ololo, yeni voshe vaIsalele, lizivasaneni! Twaleniho nakupangela tumponya tweni! Oloni njiminangula ngwange munima yevi, mukanjononoka nakulikela kushaula lizina lyange lyakujela akwana vwana ku tumponya tweni.

Ezekiyele 27:22

Vaka-kulandesa va ku Shemba na ku Lama valandakanene nove n̄undu yaivwa, na mamanya a seo yakama, na ngolinde.

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 9:4

Co mu mafuti aje a vungenzi kuvakasa kukombelelamo vin̄ombelo vya vinyu kuli Shukulu Kalunga, nameme kunena vin̄ombelo vyavo kuli ikeye embwe. Vyakulya vyavo vikajwalesa munu woshe uje akavilya, ngwe vyakulya vyakulila mu myala. Vakavipangesa lika kushulisa mafu avo, nacimo cai civakatwala ku Njuvo ya Shukulu Kalunga kupwa mulambu.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.