Njelemiya 6:14 - Livulu lya Shukulu Kalunga

¹⁴ Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 6:14 Iomraidhean Croise

2 Samwele 17:3

asinoni njikelwisa vanu vendi voshe kuli yove, ngwe shombolwa eluka kuli munalume wendi. Yove ushaka kutsiya lika munu umo, co voshe vakasalao vakakala mwamuvwa.”

Isaya 1:6

Kutunda ku mutwe wove kweta ku mendi naamo ali mwamuvwa ai kuli lika mikiki, na tuvimbandu twatundondo na vimbandu vyakama. Vimbandu vyove kuvavikushile nambe kuzengao. Kuvaakeleo mazi.

Isaya 30:10

Vendeka kuli vaka-kwimanena ngeci voloke kuluu ngwavo, “Kesi mutuleke vya vushunga. Tulekeni lika vyuma vyavivwa. Ambululeni lika vya makuli.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Njelemiya 14:13

Asinoni njendekele ngwange, “Shukulu Kalunga wa Akamwa ya Vyoshe, wazivuka ngeci vaka-kwimanena valinakuleka vanu ngwavo yove wakulaesele ngwove kukukakala nzita, nambe njala ya lyangengela, kukakala lika kwoloka mu lifuti lyetu.”

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 28:3

Mu myaka ivali lika njikelwisa vufuko vwoshe vwa mu Njuvo yange ku mwela uno vuje vwatwalele Mwene Nevukaneza ku Mbambilone.

Njelemiya 4:10

Asinoni njendekele ngwange, “Yove Shukulu Kalunga wa Akamwa ya Vyoshe, mwa vushunga unakwisa vanu va mu Yelusalema akwendeka ngwove kukakala kwoloka, oloni mukwale anga ucili ku milivu yavo.”

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ezekiyele 13:10

“Vaka-kwimanena valinakuungumwisa vanu vange akwendeka ngwavo vyuma vyoshe vinapu vyavivwa. Oloni mwa vushunga vyuma vyoshe kesi vyavivwa embwe! Vanu vange vanatungu civumbe ca mamanya akushengenya, co vaka-kwimanena vanaija nakucikwita mufwitilo wakutoka.

Ezekiyele 13:16

vakevo vaje vaka-kwimanena vakulaesele Yelusalema ngwavo vyuma vyoshe vinapu vyavivwa, kuma vyuma kuvyapwile vyavivwa embwe!” Mwanendeka Shukulu Kalunga wa Akamwa ya Vyoshe.

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Mika 3:5

Vanu vange vanavakwisa kuli vaka-kwimanena vaje vakulaesa kwoloka kuli vaje vavafweta, oloni vambulula muzimbu wa nzita yakujujwisa kuli vaje vajeneka kuvafweta. Shukulu Kalunga alinakwendeka kuli ava vaka-kwimanena ngwendi,

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

2 Petulu 2:1

Oloni ku san̄ulu kwasholokele vaka-kwimanena va makuli akati ka vanu, co mu cifwa eci vene, valongisi va makuli vakasholoka lalo akati keni. Vakevo vakanena vilongesa vyavivi vyakunyongesa vyakujeneka vushunga, nakuvyana Shukulu yavo uje wavovwele, co vakalinenela vakevo vavenya kunyonga kwa vwasi-vwasi.