Njelemiya 6:11 - Livulu lya Shukulu Kalunga

¹¹ Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Njelemiya 6:11 Iomraidhean Croise

Isaya 40:30

Nameme vakwenje vakazeye, vatanuka, co vawa.

Njelemiya 15:17

Kunjatumbamene amo na vanu veka, nambe kujola navo, nakuvwaelela amo navo embwe. Mukwononoka mashiko ove, njakele ange lika, vukalu vwove vwanjilemenenene manene.

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Njelemiya 5:9

Kuma kunjapandele kuvanyanyamesa a vyuma evi, nakulinga shambandinga a muyati wa vanu wa cifwa cangacije ndi?

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Njelemiya 9:20

Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Mbimbi 1:15

“Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Ezekiyele 3:3

Wendekele ngwendi, “Muna munu, lya livulu eli linjinakwana, kutisa lifu lyove na livulu eli.” Co njalile, lyatovalele ngwe vuki.

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Mika 3:8

Oloni ngeci mwange, Shukulu Kalunga nanjishulisa na munzinzime wendi na nzili yendi, nakunjana mana a vushunga nakusimpa mukuleka vanu va mu Isalele vuvi vwavo muvwafwa.

Luka 17:34

Njimileka ngwange, a vutsiki vuje, vanu vavali vakalala a vulili vumo, umo vakaya nendi, co mukwavo vakamuseza.

Vilinga vya Miluwa 17:16

Omo Paulu wakele nakuvandamena Silasi na Timateo mu Atena, wakele na citanga cakama manene omo wamwene muje mu nganda munashulu tumponya.

Vilinga vya Miluwa 18:5

Omo Silasi na Timateo vetele kutunda ku Masendoniya, Paulu simbu yendi yoshe walyanene ku cipangi kwambulula muzimbu nakwana vukaleo kuli vaYunda ngeci Yesu ikeye Wakuvwavesa.

Vilinga vya Miluwa 4:20

Omwo kutwasa kwoloka kwendeka vyuma vije vitwamono nevi vitwazivi.”

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”