Njelemiya 52:19 - Livulu lya Shukulu Kalunga

¹⁹ Co vambatele tumalonga twatundondo, na vikango vyakwambatela manungu a tuhya, na malonga aje vapangesele mukukwatelao maninga a vin̄ombelo, na malonga akukwatela lito, na citumbikilo ca vindeya, na malonga akukunama akukwatela insense, na malonga akukunama akupangesa mukwitila vin̄ombelo vya vinyu, na vyuma vyoshe vije vavilingile na ngolinde na siliva.

Njelemiya 52:19 Iomraidhean Croise

2 Vimyene 25:15

Co vambatele tumalonga twatundondo na vikango vyakwambatela manungu a tuhya.

Kutuuka 27:3

Fula mapanda akukundwila lito, vifwosholo, na tulonga, na vikwateso, na mapanda akwambatela tuhya a liko. Vyoshe evi vyakupangesa vipwe vyakufula na vunengu.

VaLevi 26:12

Yange njikakala neni, njikapwa Njambi yeni, co neni lalo mukapwa vanu vange.

Zakaliya 4:2

Wanjihwile ngwendi, “Vikajo wamono?” Co njamukumbulwile ngwange, “Njamono citumbikilo ca ndeya ca ngolinde. Co akamwa ali lilonga lya mazi. Co a citumbikilo ca ndeya ali vindeya vitanu na vivali, co ndeya imo na imo ili na mitetango itanu na ivali.

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”