Njelemiya 51:9 - Livulu lya Shukulu Kalunga

⁹ Vaje vaka-kwija vakele muje vendekele ngwavo, ‘Tuneseka kusaka Mbambilone, oloni tunonwa. Tuyisezeni twilukeni ku membo etu. Njambi nahisa Mbambilone na nzili yendi yoshe, co nayinyongesa yoshe njwa.’ ”

Njelemiya 51:9 Iomraidhean Croise

2 Mizimbu 28:9

Munalume umo lizina lyendi Ondende muka-kwimanena wa Shukulu Kalunga, wakele mu nganda ya Samaliya. Waliwanene na mashwalale va vaIsalele valinakwiluka na vinzinda vavo va vaYunda. Omo vakele nakukovela mu nganda, co wendekele kuli vakevo ngwendi, “Shukulu Kalunga Njambi ya vakukulwila veni naluvala na Yunda ngeci navakundika ku mavoko eni, oloni nazivi kukaluka kweni mumunavatsiilamo.

Ezela 9:6

Co njendekele ngwange, “Yove Shukulu Njambi, njili na shwamwa manene yakwandula mutwe wange ku mesho ove. Vuvi vwetu vunatumu manene kutuvakana mitwe yetu, vunete na mu melu.

Isaya 13:14

“Vaka-kwija vaje vali mu Mbambilone vakatewela kulyala ku mafuti avo, nakulishandoka ngwe vishonge vatewa ciyambi, ngwe vimanga vakujeneka kanyungi.

Isaya 47:15

Vuje vukevwo vuvwa vwoshe vuvakalinga kuli yove, vaje vaka-kukunangula vawakele nakwihula simbu yoshe yakuyoya kwove. Voshe vakakuseza, nakuya kwoshe kuvashaka, co naumo wai akakwamena.”

Njelemiya 46:16

Mashwalale veni vanatanuka ali umo na mukwavo ngeci vanau, co valyendekesa umo na mukwavo ngwavo, ‘Induka! Tutewele ku lifuti lyetu, tuputumuke ku mukwale wa citozi!’

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 50:16

Kesi mutave kukuva vimbuto mu lifuti lije, nambe kuteja vimbuto. Mungenzi woshe uje wakala muje akaziva lyova lya mashwalale vaje vakalwisa nganda, co vakeluka munu na munu kwimbo lyendi.”

Njelemiya 8:20

Co vanu vatambekele ngwavo, “Ndombo inahu, co simbu ya kuteja inahu, oloni kutwovokele.”

Hoziya 7:13

“Vananyongo! Vananjiseza nakunjitengulukila. Vakavanyongesa. Njashakele kuvamena, oloni kunjilemesa kwavo kwapwile kwa makuli.

Kujombolola 18:4

Co njazivile lalo lijwi likwavo lyatundile mwilu lyendekele ngwalyo, “Eni vanu vange! Tundeni kuli ikeye! Kesi mulipandakane nendi mu vuvi vwendi, kesi mukundame ku cihiso cendi!

Kujombolola 18:5

Omwo vuvi vwendi vunatumu vunete na mwilu, co Njambi nanuka vingila vyendi vya kupenga-penga.