Njelemiya 51:56 - Livulu lya Shukulu Kalunga

⁵⁶ Vanaija nakunyongesa Mbambilone, mashwalale vamwo vanavafungulula, mata avo a lusipa anapokozoka. Yange Njambi muka-kuhisa vuvi, co njikanyanyamesa Mbambilone ngwe ku vije viyalingile.

Njelemiya 51:56 Iomraidhean Croise

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

Myaso 137:8

Mbambilone vakakunyongesa! Navezika munu uje akakwilwisila vije viwalingile kuli yetu,

Myaso 37:15

oloni vakatsa ku mikwale yavo vavenya, co mata avo a lusipa akapokozoka.

Myaso 46:9

Ikeye amanesa vinzita ano asi oshe, akapokozola mata a lusipa na makunga, enyeka vintelo na tuhya!

Myaso 76:3

Wapokozwele mikili ya vitozi kuje, na vintelo vyavo, na vimoko vya mukwale, na vitwa vyavo vyoshe vya nzita.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 34:8

Eyi ikeyo simbu omo Shukulu Kalunga akapatula Siyone na nakulinga shambandinga vitozi vendi.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 59:18

Akahisa vitozi ngwe a vije vivalingile ku vanu vendi, nameme vene vitozi vaje vali ku mafuti a kulyala.

Njelemiya 49:35

Wendekele ngwendi, “Njikatsiya vaka-mata a lusipa voshe vaje vanaana Elame nzili.

Njelemiya 50:10

Mbambilone vakaipukula, co vaje vakaipukula vakambatamo vyoshe vivashaka. Yange Kalunga, njinendekamo.”

Njelemiya 50:36

Vaka-kwimanena vendi va makuli vakatsa, vapwa vilema! Mashwalale vendi vakatsa nakuvafungulula!

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:30

Mashwalale va Mbambilone vanalikela kulwa, co vanatumbama ngoco mu vimpaka vyavo. Kuvesi na nzili yakulwa, vanapu ngwe vanakazi. Vitozi valinakutavozola vikolo vya nganda nakwenyeka vinjuvo vyavo na tuhya.

Njelemiya 51:48

Asinoni lilu na asi na vyoshe vilimo vikatambeka nakujolela ngwe vanu, omo vanu vakatunda ku kunto vakawisa nakunyongesa Mbambilone.

Njelemiya 51:53

Nameme nga Mbambilone yasa kulonda mwilu, nakutungamo vimpaka vyakukola, anga njasa kutumamo vanu nakukayinyongesa. Yange Kalunga, njinendekamo.”

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Mbimbi 3:64

“Yove Shukulu Kalunga, vanyanyamese a vije vanalingi,

Ezekiyele 39:3

Asinoni njikapokola vuta vwendi vwa lusipa vuli mu livoko lyendi lya cimoshwe nakuwisa mikili yendi ili mu livoko lyendi lya cilyo.

Ezekiyele 39:9

Vanu vaje vali mu vinganda vya Isalele vakaya nakukungulula vitwa vije vyakuseza mwangoco, co vakavipwisa vitale. Co vakavweka tuhya twa vintelo, na mata a lusipa, na mikili, na makunga, na milamu, vakavivwekesa tuhya a myaka itanu na ivali.

Amose 2:15

Co vanu vaka-kwasha mata a lusipa kuvakasa kwimana embwe, vaje vaka-kushatuka manene kuvakasa kutewa, na vanu vaka-kwendela a tuvalu kuvakasa kwamena myonyo yavo embwe.

Ovandiya 1:15

“Litangwa lili muyehi omo yange Kalunga, njikasompa miyati yoshe. Muje muunalingi yove Endome, mukemwo lalo muvakakulinga nove. Vilinga vyove vikakwilukila yove vavenya.

Hambakuke 2:8

Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

Kujombolola 17:16

Vimbinga vije likumi viwamwene na cikashama, vakazinda uje cikwizi, vakevo vakambata vyuma vyoshe vije vyali navyo, co vakamuseza mushelengwa, vakalya situ yendi nakumunyongesa na tuhya.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”

1 Samwele 2:4

“Mata a lusipa a mashwalale va nzili anapokoka, oloni vaka-kuzeya valinakukola na nzili.