Njelemiya 51:29 - Livulu lya Shukulu Kalunga

²⁹ Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Njelemiya 51:29 Iomraidhean Croise

Isaya 14:16

“Voshe vaje vakumona vakalikomokela. Co vakehula ngwavo, ‘Kuma ou ikeye uje munalume waningangesele kaye nakujajesa vumwene ndi?

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 50:13

Omwo a vukalu vwange, naumo wai akakala mu Mbambilone, oloni ikapwa ngundu yangoco, co voshe vaketilako vakalisimoka nakulikomokela.

Njelemiya 50:36

Vaka-kwimanena vendi va makuli vakatsa, vapwa vilema! Mashwalale vendi vakatsa nakuvafungulula!

Njelemiya 50:43

Mwene wa Mbambilone nazivi muzimbu wavo, co nazeye omwo lyova. Ikeye ali mu vukalu vwakama, nakukemanga ngwe munakazi ashaka kukita.

Njelemiya 50:45

Ngecivene, tolilileni ku vutumbe vuje vunjatumbile vwakulwisa nganda ya Mbambilone, na kuli vije njishaka kulinga ku vanu vamwo. Vana vavo vakavakokangeya, co vanu voshe vakalikomokela.

Njelemiya 50:46

Omo Mbambilone ikawa, co kukakala muyoyo wakama uje ukajajesa kaye, na muyoyo wakulila vakauziva na ku mafuti eka.”

Njelemiya 51:26

Kukwesi limanya limo likatunda kuli yove kupwa limanya lya mu mbango, nambe kupwa limanya lyakujalesa luvula, omwo ukapwa ngundu ku myaka yoshe. Yange Kalunga, njinendekamo.

Njelemiya 51:28

Kungululeni miyati ya vanu ngeci valwise Mbambilone. Saneni vimyene va Mendiya, na vantwama vavo, na vamyata, na mbunga ya mashwalale ya mafuti oshe aje ali mu mavoko avo.

Njelemiya 51:37

Lifuti lije likemuka ngundu, muje muvakakala tusitu. Likapwa lifuti lya vunyengwe, co naumo wai akakalamo, voshe vakalimona vakalikomokela.

Njelemiya 51:43

Vinganda vinemuka cimweso ca vunyengwe, co vinapu ngwe mambo muje kumwesi mema, muje kumwesi kukala vanu, nambe kwendelamo.

Njelemiya 8:16

Vitozi vetu lajoko vali mu nganda ya Ndane, tunazivi tuvalu twavo valinakulyembula, co lifuti lyoshe lilinakujaja omo vanazivi tuvalu twavo voya. Vitozi vetu vanaija nakunyongesa lifuti lyetu na vyuma vyoshe vilimo, vanaija nakunyongesa nganda yetu na vanu vamwo voshe.”

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Amose 8:8

Ngecivene, asi akajaja, co munu woshe ali mu lifuti akalinyenga. Lifuti lyoshe likajaja, likakatuka nakunyekumuka ngwe muyikalingi Ndonga ya Nailo.

Kujombolola 18:2

Watambekele na lijwi lyakama ngwendi, “Inau! Mbambilone Yakama inau! Ololo inapu nganda yakukala minzinzime yakujwala na kamenga ka minzinzime yakujwala na ya miyati yoshe ya tuzila vavushakulwizi na mazilo oshe.