Njelemiya 51:25 - Livulu lya Shukulu Kalunga

²⁵ Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Njelemiya 51:25 Iomraidhean Croise

Kushangumuka 11:4

Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Isaya 13:2

Jundula pandelo ya nzita a lilundu lya miti! Tambekeni ku mashwalale, co vashovweyeni na livoko ngeci valwise vikolo vya nganda ya vanu va kulyalesa.

Njelemiya 25:12

Co munima yevi njikanyanyamesa Mbambilone na mwene wamwo a vuvi vwavo. Co njikanyongesa lifuti lije nakulipwisa ngundu ku myaka yoshe.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 50:25

Njinashokolola ku mwela kuje kwakutulikila vitwa vyange, co njinatuula vitwa vya vukalu vwange, omwo yange, Kalunga, wa Akamwa ya Vyoshe, njili na vipangi vyakupanga mu Mbambilone.

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Njelemiya 51:53

Nameme nga Mbambilone yasa kulonda mwilu, nakutungamo vimpaka vyakukola, anga njasa kutumamo vanu nakukayinyongesa. Yange Kalunga, njinendekamo.”

Njelemiya 51:58

Vivumbe vya Mbambilone vyakukola, vakavisiwila asi, co vikolo vya tuposhi twayo vakavyenyeka njwa. Vipangi vya miyati ya vanu vyoshe vinapu vyangoco, vyoshe vije vanapangela, vikenya na tuhya. Yange Kalunga Muka-nzili yoshe, njinendekamo.”

Njelemiya 51:7

Mbambilone yapwile ngwe nganja ya ngolinde mu livoko lyange, kupendesa miyati yoshe. Miyati vanwile vinyu vyayo, co vapendele.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

Kujombolola 8:8

Asinoni kangelo wamucivali wembile lupembo lwendi. Cuma cimo cakulifwa ngwe munkinda wakama ulinakwenya vacumbilile mu mema a kalunga. Co litambelo lyamucitatu lya mema a kalunga lyemukile maninga,