Njelemiya 51:19 - Livulu lya Shukulu Kalunga

¹⁹ Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 51:19 Iomraidhean Croise

Myaso 115:3

Njambi yetu ali mwilu, akalingi vyoshe vije ashaka.

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Myaso 16:5

Yove Shukulu Kalunga, yove lika wapwa wange, unjana vyoshe vinjajena, kuyoya kwange kwoshe kuli mu mavoko ove.

Myaso 33:12

Wavezika vanu vaje Njambi ikeye napu Shukulu Kalunga kavo, vavezika vanu vaje vanaangula Njambi ngeci vapwe vushwana vwendi!

Myaso 73:26

Muvila wange na mbunge yange vyasa kuzeya, oloni Njambi wapwa nzili yange, ikeye lika injishaka!

Myaso 74:2

Anuka vanu vove vaje vawalyangwilile tunde ku san̄ulu, vaje vawatundisile mu vunzinda kupwa muyati wove. Anuka Munkinda wa Siyone limbo lyove!

Isaya 47:4

Njambi wakujela wa Isalele atupatula, lizina lyendi Shukulu Kalunga Muka-nzili yoshe.

Isaya 51:13

Kuma munevala Shukulu Kalunga uje wamitangele, uje wajangumwine melu, nakujala luvula lwa asi ndi? Omwo vikajo mukela na lyova lya vaje vamiluvalela nakumishaula simbu yoshe, vaje vashaka kuminyongesa? Vukalu vwavo kuvwasa kuminyongesa embwe.

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 33:2

“Yange Kalunga uje watangele asi, co njamungile kaye nakukatumbika mu mwela wako.

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Njelemiya 51:5

Yange Kalunga Njambi Muka-nzili yoshe, kunjasezele vanu va mu Isalele na vanu va mu Yunda, nameme vanalingi vuvi ku mesho ange muka-kujela wa Isalele.

Mbimbi 3:24

Shukulu Kalunga lika ikeye njishaka, muli ikeye njinaka cinyangavili cange.

Kwituluka mu Mashiko 32:9

Oloni ikeye walyangwilile vatekulwila va Yakomba, wavaangwile kupwa vushwana vwendi.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.