Njelemiya 51:16 - Livulu lya Shukulu Kalunga

¹⁶ Akushika kwendi mema a akamwa ya mwilu akuma, akungulula mashelwa kutunda ku mitambela ya kaye. Ikeye muka-kuyemwisa muhyato wa nyonzi, nakutuma lihunzi kutunda ku njuvo yalyo yavutulikilo.

Njelemiya 51:16 Iomraidhean Croise

Kushangumuka 8:1

Oloni Njambi wanukile Nowa na tusitu voshe na vimuna voshe vaje vakele amo nendi mu vwato, co Njambi wauwisile lihunzi asi, mema ashangumukile kuuvuluka.

Yombi 37:13

Njambi akatumu nyonzi kunyokela ano asi, ikeye asa kuyituma mukunyanyamesa vanu, nambe mukuvamwesa vuvwa vwendi.

Yombi 38:22

Kuma yove wakovelamo laja mu vinjuvo vyakutulikila mema akukonda, nambe wamona vinjuvo vyakutulikila nyonzi ya mamanya ndi?

Yombi 40:9

Kuma yove uli na nzili ngwe yange ndi? Kuma lijwi lyove lyasa kukala na cililimo cakama ngwe lyange ndi?

Myaso 104:7

Omwo waluvalele mema atewele omo azivile kushika kwove kwa nzili, co aitile vwasi.

Myaso 135:7

Ikeye akasholola mashelwa kutunda ku shongo ya kaye, akatumu muhyato amo na nyonzi, co atuhwisa lalo lihunzi muje mulyakala.

Myaso 147:18

Asinoni ashika, co aje mema akukonda asangunuka, atuma lalo lihunzi, co mema enda.

Myaso 18:13

Asinoni Shukulu Kalunga walumine mwilu, na lijwi lya wa Akamwa ya Akamwa valizivile.

Myaso 46:6

Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

Myaso 68:33

Kuli uje endela a lilu lya melu a ku san̄ulu! Mutolilileni omo endeka na lijwi lyendi lya nzili!

Myaso 78:26

Wahuwisile lihunzi lya mu ngangela, co na nzili yendi watwamenenene lihunzi lya mu mbwela.

Kutuuka 10:13

Ngecivene, Mosesa wajundwile mulamu wendi, co Shukulu Kalunga wahuwisile lihunzi lyakutunda mu ngangela lyahuhwile mu lifuti litangwa lyoshe na vutsiki vwoshe. Co ku mutondo lyanenele vimbimba mikumbi.

Kutuuka 10:19

Co Shukulu Kalunga watengulwile lihunzi lya mu ngangela kupwa lihunzi lyakama manene lya mu kangombe ka yambi, co lyakupekumwine vimbimba mikumbi nakuvalundumwina mu Linema lya Suwezi. Co kukwasalele lalo mbimba mukumbi umo mu Ingito mwoshe.

Kutuuka 14:21

Mosesa wolwele livoko lyendi akamwa ya mema a kalunga, co Shukulu Kalunga wahuwisile lihunzi lyakama lyatundile mu ngangela. Lihunzi lyahuhwile vutsiki vwoshe, co mema a kalunga omine cau. Co mema alyangunukile,

Ezekiyele 10:5

Co muyoyo wa mambava a vaje vikashama, vauzivile nameme mukati ka cipango. Muyoyo uje walifwile ngwe lijwi lya Njambi Muka-nzili yoshe.

Amose 9:7

Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito.

Yona 1:4

Oloni Shukulu Kalunga watumine lihunzi lyakama manene a mema a kalunga, co mankimba angwanjangele manene ngecivene, vuje vwato vwashakele kutavuka.

Yona 4:8

Co omo litangwa lyatuukile, Njambi watumine lihunzi lya mu ngangela lyakushaluka. Ngecivene, Yona washakele kulezumuka ku ntwima ya litanya lije lyamutwililile mu mutwe wendi. Co walombelele ngeci atse kutuvakana kuyoya.