Njelemiya 51:13 - Livulu lya Shukulu Kalunga

¹³ Mbambilone lifuti lije lyakala manene na vindonga na vufuko vwavungi, oloni simbu ya lifuti eli yakuyoya ineti.

Njelemiya 51:13 Iomraidhean Croise

Kushangumuka 6:13

Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Myaso 137:1

Twatumbamene asi ku vindonga vya Mbambilone, co twalilile omo twanukile Siyone.

Isaya 43:14

Njambi wakujela wa Isalele, Shukulu Kalunga uje wamipatwile, alinakwendeka ngwendi, “Akumyamena, njikatuma nzita yakulwisa Mbambilone, njikapokozola vikolo vya nganda, co muyoyo wa vanu valimo ukatenguluka kulila.

Isaya 45:3

Njikakwana vufuko vwakushwekesa vwa mu mitambela ya lisusulungu, asinoni ukazivuka ngeci yange Kalunga, Njambi ya Isalele nakusana a lizina.

Isaya 57:17

Njaluvalele navo omwo vuvi vwavo na muuka wavo, ngeci njavahisile nakuvaseza, omwo vakaluwisile vimbunge vyavo nakuya mu vingila vyavo.

Njelemiya 17:11

Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Njelemiya 50:37

Nyongeseni tuvalu twendi na matemba endi! Mashwalale vendi vakukumuna vakatsa, vakevo vapwa vakuzeya! Vufuko vwavo vakavupukula.

Njelemiya 51:36

Co Shukulu Kalunga wendekele kuli vanu va mu Yelusalema ngwendi, “Njikamisompela n̄anda yeni, co njikalinga shambandinga ali vitozi veni, omwo a vije vivalingile kuli yeni. Njikomisa kavwelu-vwelu ka mema akwija ku Mbambilone, co njikomisa vindonga vyamwo.

Mbimbi 4:18

Vitozi vakele nakutukengelela, oloni kutwasele nameme kwenda mu vitapalo. Matangwa etu ahwile, co twetele ku shongo yawo.

Ndanyele 5:26

Omu mukemwo muvyalumbunukila. Kulava, kulumbunuka ngeci Njambi nalava matangwa a vumwene vwove, co vunahu,

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.

Kujombolola 17:15

Co kangelo wendekele lalo kuli yange ngwendi, “Mema aje awamwene, aje anatumbama uje cikwizi, anapu miyati, vanu, mafuti na vindaka.

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”