Njelemiya 51:11 - Livulu lya Shukulu Kalunga

¹¹ Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Njelemiya 51:11 Iomraidhean Croise

1 Vimyene 11:14

Ngecivene, Shukulu Kalunga watumine Handande, wa ku naanga ya vumwene vwa Endome, kulwisa Solomoni.

1 Vimyene 11:23

Njambi lalo walingisile Lezone muna Elyanda kutengulukila Solomoni. Lezone watewele kuli shukulu yendi, Mwene Handandezele wa ku Zova,

1 Mizimbu 5:26

Ngecivene, Njambi wasingile mwene Pule wa Asilya (uje lalo ivatumbwile Tingelate Pilesele) kulwisa lifuti lyavo. Ikeye washekele miyati ya Luvena, na Ngande, na Manase wa mu ngangela, nakuvaka mu Halahe, na mu Hambole, na mu Hala, na ku ngenge ya Ndonga ya Ngozane.

2 Mizimbu 36:22

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Ezela 1:1

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Isaya 10:26

Yange Kalunga Muka-nzili yoshe njikavapupa na likote lyange ngwe munjapupile vanu va ku Mindyani ku Limanya lya Oleve. Njikahisa Asilya ngwe munjahisile Ingito.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 21:5

Mu cimona, njamwene ciwano cakuvwaesela cimweja, vanajala tumbilititi ngeci vangenzi vatumbameo. Co vakele nakulya nakunwa. Vwasi-vwasi kwezile lishiko ngwavo, “Vamyata ambateni vintelo vyeni vwasi!”

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Isaya 45:1

Shukulu Kalunga naangula Siluse kupwa mwene! Namwangula kufungulula mafuti, namutumu kutundisa nzili ya vimyene, Shukulu Kalunga akamushokolwela vikolo vya vinganda. Shukulu Kalunga alinakwendeka kuli Siluse ngwendi,

Isaya 45:5

“Yange Kalunga, kukwesi njambi weka lalo. Njikakwana nzili ije iwushaka, nameme kuunjizivuka.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Njelemiya 25:25

na vimyene voshe va mu Zimeli, na Elame, na Mendiya,

Njelemiya 46:3

“Vamyata va Ingito vatambekele ngwavo, ‘Vwaeseleni cimweja vintelo vyeni, co yeni ku nzita!

Njelemiya 46:4

Lemekeni tuvalu tweni mulondeo! Imaneni mu mitambela yeni ya nzita, nakuzala vitepa vyeni! Otoleni makunga eni! Zaleni vuzalo vweni vwa nzita!’ ”

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

Njelemiya 50:25

Njinashokolola ku mwela kuje kwakutulikila vitwa vyange, co njinatuula vitwa vya vukalu vwange, omwo yange, Kalunga, wa Akamwa ya Vyoshe, njili na vipangi vyakupanga mu Mbambilone.

Njelemiya 50:3

“Muyati wa vanu vakutunda ku kunto vanaija nakulwisa Mbambilone, nakuyipwisa mambo. Vanu na tusitu vakatewela kulyala, co naumo wai akakalamo.”

Njelemiya 50:45

Ngecivene, tolilileni ku vutumbe vuje vunjatumbile vwakulwisa nganda ya Mbambilone, na kuli vije njishaka kulinga ku vanu vamwo. Vana vavo vakavakokangeya, co vanu voshe vakalikomokela.

Njelemiya 50:9

Njikashangumuna mbunga ya miyati ya vanu va nzili vaje vakatunda ku kunto, co vakalwisa Mbambilone. Vakalikwalaleka mu mundando wa nzita mukulwisa lifuti nakulifungulula. Vakevo vapwa vaka-kwasha va ntongo, mikili yavo kuyesi kuloja mu cimango.

Njelemiya 51:12

Mweseni cimweso cakulwisa vivumbe vya Mbambilone. Vaka-kunyunga vakolese! Akeni vaka-kunenga! Akeni vaka-kuvandamena!” Shukulu Kalunga nalingi vije vyendekele ngwendi akavilinga kuli vanu va Mbambilone.

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:35

Taveni vanu va Siyone vendeke ngwavo, “Mbambilone ikale na mulonga a muuka uje vatulingile yetu!” Taveni vanu va Yelusalema vendeke ngwavo, “Mbambilone ikale na mulonga, a vije twayandelele!”

Njelemiya 51:36

Co Shukulu Kalunga wendekele kuli vanu va mu Yelusalema ngwendi, “Njikamisompela n̄anda yeni, co njikalinga shambandinga ali vitozi veni, omwo a vije vivalingile kuli yeni. Njikomisa kavwelu-vwelu ka mema akwija ku Mbambilone, co njikomisa vindonga vyamwo.

Ndanyele 5:30

Co ku vutsiki vuje vene Mbeleshazale mwene wa Mbambilone, vamutsiile,

Njwele 3:10

Fuleni matemo eni kuwapwisa mikwale, co vimoko vyeni vyakunongesa minango vifuleni makunga. Nameme munu wakuzeya napande kulwa.

Njwele 3:9

“Ambululeni akati ka mafuti ngweni, ‘Livwaeseleni cimweja kulwa nzita, saneni vaka-kulwa, kungululeni mashwalale voshe ngeci vaye!

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Zakaliya 14:12

Shukulu Kalunga akanena mushongo wakukomokesa a miyati ya vanu voshe vaje valwisa Yelusalema. Situ yavo ikavola oku vakevo vacili nakuyoya, mesho avo na vindaka vyavo vikavola.

Zakaliya 14:2

Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.