Njelemiya 50:9 - Livulu lya Shukulu Kalunga

⁹ Njikashangumuna mbunga ya miyati ya vanu va nzili vaje vakatunda ku kunto, co vakalwisa Mbambilone. Vakalikwalaleka mu mundando wa nzita mukulwisa lifuti nakulifungulula. Vakevo vapwa vaka-kwasha va ntongo, mikili yavo kuyesi kuloja mu cimango.

Njelemiya 50:9 Iomraidhean Croise

2 Samwele 1:22

Vuta vwa lusipa vwa Yonatana vwapwile vwavukalu, mukwale wa Saulu kuwatetelele, wakele nakuwisa vaka-nzili, nakutsiya vitozi.

Myaso ya Solomoni 3:8

Voshe vapwa vaka-kulwa na mikwale vapwa vaka-kukanyama manene mu nzita, munu na munu nalilemeka mukwale a mbunda yendi, mukulinyunga nawo ku vutsiki.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Njelemiya 15:14

Njikavapwisa vaka-kupangela vitozi vavo, mu lifuti lije kuvazivuka, omwo vukalu vwange vunapu ngwe tuhya, co vukashukuma ku myaka yoshe.”

Njelemiya 25:14

Njikalinga shambandinga vaka-Mbambilone a vije valingile, co miyati ya vanu vavangi na vimyene vakama vakapwisa vaka-Mbambilone vindungo.’ ”

Njelemiya 25:26

na vimyene voshe va ku kunto, na ava vakulyala na muyehi, kulikavasana umo na mukwavo. Muyati na muyati wa vanu va ano asi vanwilemo. Co akukotoka kwa vyoshe, mwene wa mu Mbambilone akainwa.

Njelemiya 50:14

“Yeni voshe vanalume vaka-kwasha mata a lusipa, likwalalekeni mu mundando muzengeleke Mbambilone nakuyilwisa. Asheni mikili yeni a Mbambilone omwo vanu vamwo vanavulumuna ku mesho ange yange Kalunga.

Njelemiya 50:21

Shukulu Kalunga alinakwendeka ngwendi, “Lwiseni vanu va ku Melataime na ava va ku Pekonde. Vatsiyeni nakuvanyongesa. Lingeni vyuma vyoshe vinjimishika. Yange Kalunga, njinendekamo.

Njelemiya 50:26

Lwiseni Mbambilone ku mitambela yoshe noku-noku, co tuveni nakushokolola ku mitambela kuje kuvatulikila vimbuto! Lundikeni vije munapukula ngwe mitumbo ya vimbuto! Nyongeseni lifuti! Kesi musezemo cuma cimo.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Njelemiya 50:3

“Muyati wa vanu vakutunda ku kunto vanaija nakulwisa Mbambilone, nakuyipwisa mambo. Vanu na tusitu vakatewela kulyala, co naumo wai akakalamo.”

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!