Njelemiya 50:6 - Livulu lya Shukulu Kalunga

⁶ “Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Njelemiya 50:6 Iomraidhean Croise

Myaso 116:7

Mbunge yange simpa, omwo Shukulu Kalunga napu wamuvwa kuli yange.

Myaso 119:176

Njiyevangela ngwe manga wakuzimbala, njishakezeke yange ngamba yove, omwo kunjevalele mashiko ove.

Myaso 23:2

Anjihwimisa a mwila wakuzivuluka, nakunjitwamenena ku mema a kwoloka.

Myaso 32:7

Yove unapu cishwamo cange, ukanjamena ku tuyando, njikaimba nakutambeka akwamena kwove, omwo yove ukanjinyungu.

Myaso 90:1

Shukulu Kalunga, yove simbu yoshe wapwa cimpaka cetu.

Myaso 91:1

Woshe uje yanamena Shukulu Kalunga, woshe uje yanyunga Muka-nzili yoshe,

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Njelemiya 10:21

Njelemiya wakumbulwile ngwendi, “Vantwama vetu vanapu vilema, kuvesi kwihula Shukulu Kalunga ngeci avakwase. Eci cikeco cuma cinanenesa ngeci vanu vetu vashandoke.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 23:1

Kusompa kwa Shukulu Kalunga kukapwa kwakukalu manene ali vaka-kushwana vaje vanyongesa nakushandola vanu vendi!

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Njelemiya 3:6

Omo Yosiya wapwile mwene, Shukulu Kalunga wendekele kuli yange ngwendi, “Unamono vije vyanalingi Isalele, uje munakazi wakujeneka kulongwa? Ikeye natundu kuli yange, co nalingi vukwizi a lilundu lyoshe lyalilaja na mu minzinze ya miti yoshe yakutonola.

Njelemiya 33:12

Shukulu Kalunga Muka-nzili yoshe alinakwendeka ngwendi, “Lifuti lino munapu ngwe mambo, muje kumwesi vanu nambe tusitu, oloni mukakala lalo mwila wauvwa kuje tunyungi vakalisila vimanga vavo.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 50:19

Njikelwisila vanu va Isalele ku lifuti lyavo. Co vakalya vyakulya vije vilinakumena a Munkinda wa Kalemele mu lifuti lya Mbashane, co vakalya vyoshe vije vivashaka ku vimbuto vije vilinakumena mu mafuti a Efalime na Ngilyande.

Ezekiyele 13:10

“Vaka-kwimanena valinakuungumwisa vanu vange akwendeka ngwavo vyuma vyoshe vinapu vyavivwa. Oloni mwa vushunga vyuma vyoshe kesi vyavivwa embwe! Vanu vange vanatungu civumbe ca mamanya akushengenya, co vaka-kwimanena vanaija nakucikwita mufwitilo wakutoka.

Ezekiyele 34:14

Njikavalisila ku mwila wauvwa mu kwoloka mukati ka minkinda na mu vyana na mu mitambela ya mwila wauvwa ya mu lifuti lya Isalele.

Ezekiyele 34:15

Yange vavenya njikapwa kanyungi ka vimanga vange, co njikavatwamenena ku mutambela wakuhwimina. Munjinendeka yange Kalunga wa Akamwa ya Vyoshe.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Mateo 10:6

Oloni mwapande kuya ku vimanga vakuzimbala va muyati wa Isalele.

Mateo 15:24

Asinoni Yesu wavakumbulwile ngwendi, “Vanjitumine lika ku vimanga vakuzimbala va ku vanu va Isalele.”

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.