Njelemiya 50:34 - Livulu lya Shukulu Kalunga

³⁴ Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Njelemiya 50:34 Iomraidhean Croise

2 Mizimbu 6:39

co tolilila malombelo avo. Omo mwilu muwakala vatolilile, co vazivileko mema ku mbunge nakusambesa vivi vyoshe vya vanu vove.

Yombi 19:25

Oloni njazivuka ngeci Numbi yange akaija akukotoka nakunjamena.

Myaso 35:1

Shukulu Kalunga, yeluwisa vaje vanjiyeluwisa, co lwa na vaje vanjilwisa!

Myaso 43:1

Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Visimo 22:23

Omwo Shukulu Kalunga ikeye muka-kuvalwila, co vyoshe vije ulinga kuli vakevo, Shukulu Kalunga akavilinga lalo kuli yove.

Visimo 23:11

Shukulu Kalunga ikeye muka-kuvalwila wavo wa nzili, akavasompelako milonga yavo yakuvalwisa.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 43:14

Njambi wakujela wa Isalele, Shukulu Kalunga uje wamipatwile, alinakwendeka ngwendi, “Akumyamena, njikatuma nzita yakulwisa Mbambilone, njikapokozola vikolo vya nganda, co muyoyo wa vanu valimo ukatenguluka kulila.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 47:4

Njambi wakujela wa Isalele atupatula, lizina lyendi Shukulu Kalunga Muka-nzili yoshe.

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 15:21

Njikakwamena ku nzili ya vaka-vuvi na kuli vanu vavavi. Yange Kalunga, njinendekamo.”

Njelemiya 30:20

Njikelwisila muyati ou nzili yavo ngwe ije vakele nayo laja, co njikavakolesa lalo, njikanyanyamesa voshe vaje vavayandesa.

Njelemiya 31:11

Njinapatula vanu va Isalele, co njinavamena ku muyati wa vanu va nzili.

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Njelemiya 32:18

Ukamwesa cizemo cove cije kucesi kutenguluka ku vanu vavangi-vangi, oloni lalo ukanyanyamesa vanu a vuvi vwa visemi vavo. Yove Shukulu Kalunga, Njambi Muka-nzili yoshe.

Njelemiya 48:15

Mowavi na vinganda vyamwo vanavinyongesa, vakwenje vamwo vavavwa vanavatsii. Yange njapwa mwene, Kalunga muka-nzili yoshe, njinendekamo.

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 51:36

Co Shukulu Kalunga wendekele kuli vanu va mu Yelusalema ngwendi, “Njikamisompela n̄anda yeni, co njikalinga shambandinga ali vitozi veni, omwo a vije vivalingile kuli yeni. Njikomisa kavwelu-vwelu ka mema akwija ku Mbambilone, co njikomisa vindonga vyamwo.

Mbimbi 3:58

“Shukulu Kalunga wezile nakunjipatula, co waamenene mwonyo wange.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Mika 4:10

Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni.

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

Kujombolola 18:8

Omwo cuma eci, cihiso cendi cikaija litangwa limo, kutsa na vusiwa na njala. Co vakamwenyeka na tuhya, omwo Shukulu Kalunga Njambi, uje akamusompa, wapwa muka-nzili.”