Njelemiya 50:29 - Livulu lya Shukulu Kalunga

²⁹ Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Njelemiya 50:29 Iomraidhean Croise

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Njelemiya 25:14

Njikalinga shambandinga vaka-Mbambilone a vije valingile, co miyati ya vanu vavangi na vimyene vakama vakapwisa vaka-Mbambilone vindungo.’ ”

Njelemiya 48:26

Shukulu Kalunga wendekele ngwendi, “Pendeseni Mowavi omwo yanjitengulukila nakunjilwisa. Mowavi akalyalanga a vishanjo vyendi, co vanu vakamujola.

Njelemiya 49:16

Kulyalesa kweni kunamikwisa. Naumo wai akamizivila manene lyova ngwe mumunayongola. Yeni mwakala akamwa ya mamanya ashongo-shongo ya minkinda, oloni nameme mwakala akamwa ngwe ngonga, Shukulu Kalunga akamiwisila asi. Mukemwo mwanendeka Shukulu Kalunga.”

Njelemiya 50:24

Mbambilone, yove wanjilwisile, ololo njinakukwata mu mweto uje njakutelelele, nameme kuwauzivukile.

Njelemiya 50:26

Lwiseni Mbambilone ku mitambela yoshe noku-noku, co tuveni nakushokolola ku mitambela kuje kuvatulikila vimbuto! Lundikeni vije munapukula ngwe mitumbo ya vimbuto! Nyongeseni lifuti! Kesi musezemo cuma cimo.

Njelemiya 50:32

Muyati wove wa kulyalesa ukatanuka nakuwa, naumo wai akakwindula. Co njikashwameka tuhya a vinganda vyove, co vyuma vyoshe vyazengelekako vikanyonga.”

Njelemiya 50:9

Njikashangumuna mbunga ya miyati ya vanu va nzili vaje vakatunda ku kunto, co vakalwisa Mbambilone. Vakalikwalaleka mu mundando wa nzita mukulwisa lifuti nakulifungulula. Vakevo vapwa vaka-kwasha va ntongo, mikili yavo kuyesi kuloja mu cimango.

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:3

Kesi mwane simbu ku mashwalale vamwo kwasha mikili yavo, nambe kuzala vuzalo vwavo vwa nzita. Kesi musezeo mukwenje umo! Nyongeseni mbunga yoshe ya mashwalale.

Njelemiya 51:49

Mbambilone inatsii vanu muno mu kaye koshe, co ololo Mbambilone ikawa, omwo inatsii vaIsalele vavangi. Yange Kalunga, njinendekamo.”

Njelemiya 51:56

Vanaija nakunyongesa Mbambilone, mashwalale vamwo vanavafungulula, mata avo a lusipa anapokozoka. Yange Njambi muka-kuhisa vuvi, co njikanyanyamesa Mbambilone ngwe ku vije viyalingile.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 3:64

“Yove Shukulu Kalunga, vanyanyamese a vije vanalingi,

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ovandiya 1:15

“Litangwa lili muyehi omo yange Kalunga, njikasompa miyati yoshe. Muje muunalingi yove Endome, mukemwo lalo muvakakulinga nove. Vilinga vyove vikakwilukila yove vavenya.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

Kujombolola 16:6

Vetilile maninga a vanu va Njambi naa a vaka-kwimanena, ngecivene, unavana maninga ngeci vanwe. Valinakutambula vije vinavapande.”

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.