Njelemiya 50:28 - Livulu lya Shukulu Kalunga

²⁸ (Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 50:28 Iomraidhean Croise

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Njelemiya 50:15

Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

Njelemiya 51:45

Vanu va Isalele, teweni mutundemo! Teweseni myonyo yeni kutunda ku vukalu vwange vwakama.

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Kwituluka mu Mashiko 32:41

ngeci njikotola mukwale wange wakuvyazima, njikamona ngeci vushunga vunalingiwa. Njikalinga shambandinga kuli vitozi vange, nakuhisa vaje vanjizinda.