Njelemiya 50:2 - Livulu lya Shukulu Kalunga

² “Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Njelemiya 50:2 Iomraidhean Croise

Myaso 64:9

Voshe vakaziva lyova, co vakendeka ngwavo, “Kengeni vyanalingi Njambi, co vinyungeni mu vimbunge vyeni.”

Myaso 96:3

Ambululeni vumpau vwendi kuli vanu, na vilinga vyendi vyakukomokesa kuli vanu voshe.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Isaya 12:4

Litangwa lilinakwija omo vanu vakaimba ngwavo, “Kandeleleni kuli Shukulu Kalunga! Lemeseni ikeye lika! Ambululeni vilinga vyendi akati ka vanu! Valekeni vukama vwa vumpau vwendi.

Isaya 13:2

Jundula pandelo ya nzita a lilundu lya miti! Tambekeni ku mashwalale, co vashovweyeni na livoko ngeci valwise vikolo vya nganda ya vanu va kulyalesa.

Isaya 21:9

Kengeni, vaka-kulonda a tuvalu valinakwija! Vavali-vavali. Co muka-kunyunga watambekele ngwendi, “Mbambilone inau! Na tumponya twoshe tuje vakele nakulemesa vanashandokela mu livu.”

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 39:1

A simbu ije vene mwene wa ku Mbambilone, Melondake Mbalandane, muna Mbalandane wazivile ngeci Mwene Hezekiya nakele nakuvinja, co wamutumine mukanda amo na vwana.

Isaya 46:1

“Awa akewo mamaneselelo a vinjambi va Mbambilone! Akulivanga valemesele Mbele na Nembo, oloni ololo vanavalondeka a vimulu, vanapu citele a myongo ya tusitu vaje vanajuka.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 48:6

“Vyoshe vinjendekele vinalingiwa, munapande kutava ngeci vyoshe njambulwile vinapu vya vushunga. Njikakuleka vyuma vyaviha vije vikaija, vyuma vije kunjajombolwele laja.

Njelemiya 10:11

(Yeni vanu munapande kuvaleka ngweni vinjambi vaje kuvatangele kaye na lilu vakanyonga. Nakumo kwai kuvakakala ano asi.)

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 31:10

Shukulu Kalunga alinakwendeka ngwendi, “Yeni miyati tolilileni kuli yange, ambululeni majwi ange na ku vikuma vyakulyala. Njashandwele vanu vange, oloni njikavakungulula lalo, nakuvatwamenena ngwe kanyungi atwamenena vutanga vwendi.

Njelemiya 4:16

Vanaija mukunangula vanu nakuleka vaka-Yelusalema ngwavo vitozi valinakwija kutunda ku lifuti lya kulyala. Vitozi ava vakatambeka nakulwisa vinganda vya Yunda,

Njelemiya 4:6

Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Njelemiya 46:14

“Ambululeni mu vinganda vya Ingito, na mu Mingendole, na mu Mefise, na mu Tafanehese ngweni, ‘Livwaeseleni cimweja mukulyamena yeni vavenya, vyoshe vije vimuli navyo vikanyongela mu nzita!

Njelemiya 50:46

Omo Mbambilone ikawa, co kukakala muyoyo wakama uje ukajajesa kaye, na muyoyo wakulila vakauziva na ku mafuti eka.”

Njelemiya 51:12

Mweseni cimweso cakulwisa vivumbe vya Mbambilone. Vaka-kunyunga vakolese! Akeni vaka-kunenga! Akeni vaka-kuvandamena!” Shukulu Kalunga nalingi vije vyendekele ngwendi akavilinga kuli vanu va Mbambilone.

Njelemiya 51:27

“Mweseni cimweso cakulwa! Co imbeni lupembo ngeci miyati yoshe ya vanu vazive! Kungululeni miyati vakalwise Mbambilone! Lekeni vumwene vwa Alalate, Mini, na Ashekenaze ngeci valwe. Anguleni mwata muka-kutwamenena nzita. Neneni tuvalu valwe ngwe vinjame vya vimbimba.

Njelemiya 51:31

Muluwa umo akava muluwa mukwavo mukushatuka nakukaleka mwene wa Mbambilone ngeci nganda yendi valinakuyifungulula.

Njelemiya 51:44

Njikanyanyamesa Mbele, njambi wa Mbambilone, nakumulingisa ngeci ecele vufuko vuje wevile, co miyati ya vanu nalumo lwai lalo vakamulemesa. “Vivumbe vya Mbambilone vinau.

Njelemiya 51:47

Ngecivene, simbu ilinakwija omo njikanyanyamesa tumponya twa Mbambilone. Co lifuti lyoshe vakaziva shwamwa, na vanu vamwo voshe vakavatsiya.

Njelemiya 51:52

Ngecivene, njendeka ngwange simbu ilinakwija omo njikanyanyamesa tumponya twa Mbambilone, co vaje vanavetwa vakakemanga mu lifuti mwoshe.

Njelemiya 51:8

Vwasi-vwasi Mbambilone inau nakuyinyongesa! Yeni vaka-kwija lileni Mbambilone! Ishakezekeleni vumbanda vwa vimbandu vyayo amo yasa kukanguka.

Njelemiya 52:31

Mu mwaka uje omo Evilemelondake wapwile mwene wa Mbambilone, wamwesele ngozi kuli Mwene Yehoyakine wa mu Yunda akumutundisa mu kamenga. Eci calingiwile a litangwa lyamumakumi avali na atanu, ku ngonde yamulikumi na vivali, mu mwaka wamumakumi atatu na itanu na ivali, kutunda aje vatwalelele Yehoyakine ku vunzinda.

Njelemiya 6:18

Ngecivene, Shukulu Kalunga wendekele ngwendi, “Tolilileni yeni muyati, lilongeseni ku vije vikalingiwa kuli vanu vange.

Ndanyele 1:2

Shukulu Kalunga watavele Nevukaneza ngeci afungulule Mwene Yehoyakime nakwambata vivala vimo vya mu Njuvo ya Shukulu Kalunga. Co omo Nevukaneza welukile ku Mbambilone, wakaakele vije vivala vyakafungulwile mu mulili wakutulikila wa mu njuvo ya njambi yendi.

Ndanyele 3:14

Mwene wendekele kuli vakevo ngwendi, “Shandelaki, na Meshake, na Ambendenengo, cinapu ca vushunga ngeci yeni munavyana kulemesa njambi yange, co lalo sheni kukulama nakulemesa kamponya ka ngolinde kaje kanjinemika ndi?

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Kujombolola 18:2

Watambekele na lijwi lyakama ngwendi, “Inau! Mbambilone Yakama inau! Ololo inapu nganda yakukala minzinzime yakujwala na kamenga ka minzinzime yakujwala na ya miyati yoshe ya tuzila vavushakulwizi na mazilo oshe.