Njelemiya 50:19 - Livulu lya Shukulu Kalunga

¹⁹ Njikelwisila vanu va Isalele ku lifuti lyavo. Co vakalya vyakulya vije vilinakumena a Munkinda wa Kalemele mu lifuti lya Mbashane, co vakalya vyoshe vije vivashaka ku vimbuto vije vilinakumena mu mafuti a Efalime na Ngilyande.

Njelemiya 50:19 Iomraidhean Croise

Ezela 2:1

Vinzinda vavangi vatundile mu lifuti lya Mbambilone velukile ku Yelusalema na ku Yunda, munu na munu welukile kwimbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje kupwa vinzinda.

Myaso ya Solomoni 6:5

Tundisa mesho ove kuli yange, omwo ananjikomokesa manene. Vin̄ambu vyove vyakuzivala vwii ngwe maka a vimembe, vaje vashelumuka kutunda ku malundu a Ngilyande.

Isaya 33:9

Lifuti lyasala ngoco mupulungwa. Shwata ya Lembanone yajujwama, na Cana ca Shalone ca vwilo cinalifu ngwe mambo, shwata ya Mbashane na Munkinda wa Kalemele maputa alinakutotomoka ku miti.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Njelemiya 31:14

Vaka-kukombelela njikavakutisa na vyakulya vyavivwa manene, co vanu vange vakakala na vyuma vyoshe vivashaka. Yange Kalunga, njinendekamo.”

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 46:27

“Vanu vange kesi muzive lyova, vanu va Isalele kesi mujaje embwe. Njikamipatula mu lifuti lije lya kulyala, mu lifuti lije mwakele mu vunzinda. Mukeluka lalo kwimbo nakukala mu kwoloka, mukakala mwamuvwa, co naumo wai akamizivisa lyova.

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Ezekiyele 11:17

“Ngecivene, valeke evi yange Kalunga wa Akamwa ya Vyoshe, njendeka. Njikavakungulula kuvatundisa ku mafuti aje njavashandwelele, co njikavana lifuti lya Isalele.

Ezekiyele 36:24

Njikamiilwisa kumitundisa ku miyati yoshe na ku mafuti oshe nakumiilwisila ku lifuti lyeni lalo.

Ezekiyele 36:33

Shukulu Kalunga wa Akamwa ya Vyoshe alinakwendeka ngwendi, “Omo njinamijelesa ku vuvi vweni vwoshe, njikamitavesa kukala mu vinganda vyeni lalo, nakumitava kutungulula vije vyaviile.

Ezekiyele 38:8

Omo myaka yaingi ineti njikamushika kukovela mu lifuti muje muvelwisilile vanu kutunda ku miyati yaingi, kuje vakele nakuyoyelako kujeneka lyova lya nzita. Co akakovelela minkinda ya Isalele, ije yapwile vingundu ivasezele simbu yakama, oloni kuje ololo vanu voshe valinakukala mwamuvwa.

Ezekiyele 47:18

“Nginga ya mu ngangela yeta mukati ka Haulane na Ndamasiku, co Ndonga ya Yondau yapwa nginga ya mukati ka lifuti lya Isalele mu kangombe ka yambi na lifuti lya Ngilyande, mu ngangela na ku Tamale ku Lishali lya Kutsa.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Zakaliya 10:10

Njikavatundisa ku Ingito na ku Asilya nakuvelwisa kwimbo, co vakatunga mu lifuti lyavo. Vakakala lalo mu Ngilyande na mu Lembanone, lifuti lyoshe likashula na vanu.

Kulava 32:1

Miyati ya Luvena na Ngande vakele na vimuna vavangi manene. Co omo vamwene vuvwa vwa lifuti lya Njazele, na Ngilyande kulilamo vingombe,

Kulava 32:4

vili mu lifuti lije lyanakwasa Shukulu Kalunga vaIsalele ngeci vakalemo. Linapu lifuti lyalivwa kulilamo vimuna, co vangamba vove vakala na vimuna vavangi.

Yoshwa 17:15

Yoshwa wavakumbulwile ngwendi, “Nga munapu muvavangi manene, co lifuti lya malundu lya Efalime linapu lyalindondo, lamateni mu shwata mukalishinjile yeni vavenya mu lifuti lya vaPelezi, na vaLefaime ngeci mukakalemo.”