Njelemiya 50:17 - Livulu lya Shukulu Kalunga

¹⁷ Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 50:17 Iomraidhean Croise

2 Vimyene 15:19

Tingelate Pilesele, mwene wa Asilya walwisile Isalele, co Menaheme wamwanene makilo akupwa 34,000 a mavundungulu a siliva ngeci amukwase kukolesa vumwene vwendi mu lifuti.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 24:1

Omo Yehoyakime wapwile mwene, co Mwene Nevukaneza wa ku Mbambilone walwisile Yunda, co Yehoyakime waliitile ku mashiko endi myaka itatu, asinoni Yehoyakime wamutengulukilile.

2 Vimyene 24:10

Yapwile simbu yakushwana kwendi omo mbunga ya mashwalale vaMbambilone, vaje vavatwamenenene vamyata va Mwene Nevukaneza, vezile nakuzengeleka Yelusalema nakuyilwisa.

2 Vimyene 25:1

Zendekiya watengulukilile Mwene Nevukaneza wa ku Mbambilone nakumulwisa, co Nevukaneza wezile na mashwalale vendi voshe, walwisile Yelusalema a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, valingile mikinya noo vetele ku vivumbe vya nganda,

2 Mizimbu 28:20

Co mwene wa vaAsilya, kakwasele Ahave, oloni wamupopolwele nakumukovelesa mu vukalu.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Isaya 15:9

Ku nganda ya ku Ndimone ndonga inavenge na maninga, oloni Njambi akanena vukalu vwakama ali Ndimone. Eyo, kukakala kunyongesa kwakama mu Mowavi.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 10:25

Vukalu vwove vwije a miyati ije kuvesi kukulemesa, na ali vanu vaje vaka-kukuvyana. Vanatsii vanu vove, vanatunyongesa njwa nakuseza lifuti lyetu ngundu.

Njelemiya 2:15

Valinakumwanena ngwe vindumba, lifuti lyendi vanalipwisa mambo, co vinganda vyendi vinapu vyamupulungwa, naumo wai wakalamo.

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Njelemiya 51:38

VaMbambilone voshe vakaana ngwe vindumba, co vakonena ngwe vana va vindumba.

Njelemiya 52:1

Zendekiya wakele na myaka makumi avali na mwaka umo omo wapwile mwene wa mu Yunda, co washwanene mu Yelusalema myaka likumi na umo. Lizina lya vaina lyapwile Hamutale muna Njelemiya uje wakele mu nganda ya Limbena.

Ezekiyele 34:12

mu ngila ije vene kanyungi akanyungu vimanga vendi vaje valishandokele, co avakungulwila amolika lalo. Njikavanena lalo nakuvelwisa kutunda ku mitambela kuje kuvalishandokelele a litangwa lije lya lisusulungu, na n̄avava.

Ndanyele 6:24

Asinoni mwene washikile lishiko ngeci vakwate vaje vanalume voshe vaje vavangelele Ndanyele, co vavanenele nakuvombila mu mbulu ya vindumba, amolika na vanakazi vavo, na vana vavo. Omo simbu kanda vete asi ya mbulu, vindumba vavalile voshe nakumbulukuta vitsiya vyavo.

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.