Njelemiya 50:15 - Livulu lya Shukulu Kalunga

¹⁵ Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

Njelemiya 50:15 Iomraidhean Croise

1 Mizimbu 29:24

Co vamyata voshe, na mashwalale, nameme vana va Ndaviti vakwavo vakulaesele ngeci vakononoka Solomoni akupwa mwene.

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

Myaso 149:7

mukufungulula nakuhisa miyati ya vanu,

Myaso 94:1

Shukulu Kalunga yove wapwa u Njambi muka-kuhisa vaka-vuvi, sholola vukalu vwove!

Isaya 59:17

Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.

Isaya 59:18

Akahisa vitozi ngwe a vije vivalingile ku vanu vendi, nameme vene vitozi vaje vali ku mafuti a kulyala.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 63:4

Njalingile ngeci omwo simbu yakwamena vanu vange inete, yapwile simbu yakulinga shambandinga vitozi vavo.

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 50:14

“Yeni voshe vanalume vaka-kwasha mata a lusipa, likwalalekeni mu mundando muzengeleke Mbambilone nakuyilwisa. Asheni mikili yeni a Mbambilone omwo vanu vamwo vanavulumuna ku mesho ange yange Kalunga.

Njelemiya 50:25

Njinashokolola ku mwela kuje kwakutulikila vitwa vyange, co njinatuula vitwa vya vukalu vwange, omwo yange, Kalunga, wa Akamwa ya Vyoshe, njili na vipangi vyakupanga mu Mbambilone.

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Njelemiya 51:14

Shukulu Kalunga Muka-nzili yoshe, nalisingi ngwendi akanena mashwalale vavangi ngwe njame ya vambimba mukulwisa Mbambilone, co vakatambeka nakulisamba omwo vanahyana.

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Njelemiya 51:30

Mashwalale va Mbambilone vanalikela kulwa, co vanatumbama ngoco mu vimpaka vyavo. Kuvesi na nzili yakulwa, vanapu ngwe vanakazi. Vitozi valinakutavozola vikolo vya nganda nakwenyeka vinjuvo vyavo na tuhya.

Njelemiya 51:36

Co Shukulu Kalunga wendekele kuli vanu va mu Yelusalema ngwendi, “Njikamisompela n̄anda yeni, co njikalinga shambandinga ali vitozi veni, omwo a vije vivalingile kuli yeni. Njikomisa kavwelu-vwelu ka mema akwija ku Mbambilone, co njikomisa vindonga vyamwo.

Njelemiya 51:44

Njikanyanyamesa Mbele, njambi wa Mbambilone, nakumulingisa ngeci ecele vufuko vuje wevile, co miyati ya vanu nalumo lwai lalo vakamulemesa. “Vivumbe vya Mbambilone vinau.

Njelemiya 51:58

Vivumbe vya Mbambilone vyakukola, vakavisiwila asi, co vikolo vya tuposhi twayo vakavyenyeka njwa. Vipangi vya miyati ya vanu vyoshe vinapu vyangoco, vyoshe vije vanapangela, vikenya na tuhya. Yange Kalunga Muka-nzili yoshe, njinendekamo.”

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Njelemiya 51:64

co endeka ngwove, ‘Evi vikevyo vikalingiwa ku Mbambilone, ikavombela, co nalumo lwai lalo ikatumuka, omwo a cihiso cije cakanena Shukulu Kalunga a Mbambilone.’ ” Majwi a Njelemiya anahwila ano vene.

Mbimbi 5:6

Akuwana vyakulya vyakupwisamo ngeci tuyoye, twile nakuvilomba ku Ingito na ku Asilya.

Ezekiyele 17:18

Wapokwele cikumiiyo cendi na lizivasano lije lyalingile. Walingile vyuma vyoshe evi, co ololo kasa kuputumuka embwe.”

Ezekiyele 21:22

Ku livoko lyendi lya cilyo nakwata mukili wakusoneka ngwavo ‘Yelusalema.’ Uje mukili umuleka kuya nakwaka vyuma vimo vyakulikwasesa kuwisa civumbe mu mwela yavyo, nakutambeka mutambi wa nzita, nakwaka vyuma vimo vyakulikwasesa kuwisa civumbe kuyehi na vikolo, nakulinga mikinya ya livu kuzengeleka cimpaka, nakwinda tupila.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Mateo 7:2

Omwo na cihiso cije vene muhisa naco vakweni, cikeco lalo akamihisa naco Njambi, co seteko ije museteka nayo vakweni, ikeyo lalo yakamiseteka nayo Njambi.

Luka 21:22

Omwo aje akewo matangwa akunyanyamesa ngeci vyuma vyoshe vije vivendekele mu visoneka vipwe vya vushunga.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

Kwituluka mu Mashiko 32:41

ngeci njikotola mukwale wange wakuvyazima, njikamona ngeci vushunga vunalingiwa. Njikalinga shambandinga kuli vitozi vange, nakuhisa vaje vanjizinda.

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Yoshwa 6:20

Ngecivene, vaka-kukombelela vembile malupembo, co vanu vatambekelele. Vwasi-vwasi omo vanu vazivile kwoya kwa malupembo, co vatambekelele manene, ngeci civumbe calundumukile. Co lishwalale na lishwalale woshe wakovelele mu nganda aje ashungamene nakuyifungulula.

Yoshwa 6:5

Asinoni vaka-kukombelela vakaimbe lupembo simbu yakama, co omo mukaziva kwoya kwa lupembo olu, co vanalume voshe vakatambeke manene mutambi wa nzita, co civumbe ca nganda cikalundumuka. Co lishwalale na lishwalale akakovelele mu nganda aje anashungama.”

Kujombolola 16:6

Vetilile maninga a vanu va Njambi naa a vaka-kwimanena, ngecivene, unavana maninga ngeci vanwe. Valinakutambula vije vinavapande.”

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”

1 Samwele 15:33

Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.