Njelemiya 50:12 - Livulu lya Shukulu Kalunga

¹² oloni nganda yeni yakama ikashauka nakuziva shwamwa. Mbambilone ikapwa muyati wa vanu vakwisi manene kutuvakana miyati yoshe ya vanu, ikapwa mambo yakuma cau ya mema.

Njelemiya 50:12 Iomraidhean Croise

Isaya 14:22

Shukulu Kalunga Muka-nzili yoshe nendeka ngwendi, “Njikalwisa Mbambilone nakuyinyongesa. Nacimo cai njikasezamo, nambe vanike, naumo wai akayoyao. Yange Kalunga njinendekamo.

Isaya 23:13

Kengeni vije vanalingi vaAsilya ku Mbambilone! Vanalwisa nakunyongesa mapela oshe a mu lifuti. VaAsilya vazengelekele tuposhi, nakusiwula vimpaka vya Mbambilone nakuseza nganda yamupulungwa.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 15:9

Cisemi wa munakazi akalezumuka, ceke ca mutanya cinapu lisusulungu, akumona vana vendi vatanu na vavali vanatsi. Njikatsiya munu woshe uje akasalao, Yange Kalunga, njinendekamo.”

Njelemiya 22:6

“Kuli yange, lipela lya vumwene vwa Yunda linapu lyalivwa manene ngwe lifuti lya Ngilyande, co ngwe lalo Minkinda ya Lembanone, oloni njikalipwisa ngundu muje naumo wai akakalamo.

Njelemiya 25:12

Co munima yevi njikanyanyamesa Mbambilone na mwene wamwo a vuvi vwavo. Co njikanyongesa lifuti lije nakulipwisa ngundu ku myaka yoshe.

Njelemiya 25:26

na vimyene voshe va ku kunto, na ava vakulyala na muyehi, kulikavasana umo na mukwavo. Muyati na muyati wa vanu va ano asi vanwilemo. Co akukotoka kwa vyoshe, mwene wa mu Mbambilone akainwa.

Njelemiya 49:2

Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Njelemiya 51:43

Vinganda vinemuka cimweso ca vunyengwe, co vinapu ngwe mambo muje kumwesi mema, muje kumwesi kukala vanu, nambe kwendelamo.

Njelemiya 51:47

Ngecivene, simbu ilinakwija omo njikanyanyamesa tumponya twa Mbambilone. Co lifuti lyoshe vakaziva shwamwa, na vanu vamwo voshe vakavatsiya.

Ngalatiya 4:26

Oloni Yelusalema ya mwilu inapu yakupatuka, co ikeyo inapu cisemi cetu.

Kujombolola 17:5

A luholo lwendi vasonekeleo lizina lije lili na vulumbunuke vwa cisin̄iko, ngwavo, “Mbambilone Wakama, cisemi ca vikwizi voshe na vunyengwe vwa ano a kaye.”