Njelemiya 50:11 - Livulu lya Shukulu Kalunga

¹¹ Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 50:11 Iomraidhean Croise

Myaso 22:12

Vitozi vavangi vananjizengeleka ngwe vingombe va nkomba, voshe vananjaka mukati, ngwe vingombe va nkomba va vukalu va ku lifuti lya Mbashane.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Njelemiya 12:14

Shukulu Kalunga alinakwendeka ngwendi, “Njili na vimo vyakwendeka ku miyati ya vanu veka vaje vanaviisa lifuti lije linjanene kuli vanu vange va Isalele. Njikatundisa vaka-vuvi mu mafuti avo vavenya, ngeci lalo munjikatundisa Yunda mu lifuti lyendi.

Njelemiya 46:20

Ingito napu ngwe ngombe wa lwavo wamuvwa, oloni limu wa ku kunto namushumu.

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 5:28

omwo vikajo vananunu nakukala mwamuvwa. Vilinga vyavo vyavivi kuvyesi naa avyasikisila. Kuvesi kwana visiwa vije vinavapande nambe kumwesa vushunga kuli vaka-kuyanda.

Njelemiya 5:8

Valifwile ngwe vingolo va myeha vaka-kulya mwamuvwa, munu na munu wakele na lishungu lya munakazi wa mukwavo.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Ezekiyele 35:15

ngwe muje yove wajolelele akuviya kwa Isalele vufuko vwange. Minkinda ya Seya, eyo lifuti lyoshe lya Endome, likapwa ngundu. Asinoni vanu voshe vakazivuka ngeci yange njapwa Kalunga.”

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Hoziya 10:11

“Isalele wapwile ngwe ngombe wa lwavo wakulongesa mwamuvwa, uje wazema kujungula vimbuto. Oloni njayongwele kumwaka mandauluwa a mukoshi wendi wauvwa manene, ngeci apange vipangi vyakukaluwa nakumulemuwisa. Njalingisile Yunda kukoka litemo, co Isalele wakavele munima nakuvujula masinde.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Hambakuke 1:15

VaMbambilone vakakwata vanu na tulovo ngwe vakwata visi. Vavakokangeya ngwe visi vali mu manimbwa, co valisamba a vije vanakwata!

Zakaliya 14:12

Shukulu Kalunga akanena mushongo wakukomokesa a miyati ya vanu voshe vaje valwisa Yelusalema. Situ yavo ikavola oku vakevo vacili nakuyoya, mesho avo na vindaka vyavo vikavola.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.