Njelemiya 50:10 - Livulu lya Shukulu Kalunga

¹⁰ Mbambilone vakaipukula, co vaje vakaipukula vakambatamo vyoshe vivashaka. Yange Kalunga, njinendekamo.”

Njelemiya 50:10 Iomraidhean Croise

Isaya 33:23

Oloni lifuti lyeni linapu vwato vwakama vuje mikole yavwo inazeye, co nanga ije ikavwendesa na lihunzi kuyasa kushangumuka ngeci vwato vwende. Litangwa limo nameme yeni vilema mukambata vyuma vyakupukula ku vitozi veni.

Isaya 33:4

Vufuko vwavo vakavupukula vwasi-vwasi nakuvwambata.

Isaya 45:3

Njikakwana vufuko vwakushwekesa vwa mu mitambela ya lisusulungu, asinoni ukazivuka ngeci yange Kalunga, Njambi ya Isalele nakusana a lizina.

Njelemiya 25:12

Co munima yevi njikanyanyamesa Mbambilone na mwene wamwo a vuvi vwavo. Co njikanyongesa lifuti lije nakulipwisa ngundu ku myaka yoshe.

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 50:26

Lwiseni Mbambilone ku mitambela yoshe noku-noku, co tuveni nakushokolola ku mitambela kuje kuvatulikila vimbuto! Lundikeni vije munapukula ngwe mitumbo ya vimbuto! Nyongeseni lifuti! Kesi musezemo cuma cimo.

Njelemiya 50:37

Nyongeseni tuvalu twendi na matemba endi! Mashwalale vendi vakukumuna vakatsa, vakevo vapwa vakuzeya! Vufuko vwavo vakavupukula.

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:35

Taveni vanu va Siyone vendeke ngwavo, “Mbambilone ikale na mulonga a muuka uje vatulingile yetu!” Taveni vanu va Yelusalema vendeke ngwavo, “Mbambilone ikale na mulonga, a vije twayandelele!”

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Hambakuke 2:8

Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Kujombolola 17:16

Vimbinga vije likumi viwamwene na cikashama, vakazinda uje cikwizi, vakevo vakambata vyuma vyoshe vije vyali navyo, co vakamuseza mushelengwa, vakalya situ yendi nakumunyongesa na tuhya.