Njelemiya 5:7 - Livulu lya Shukulu Kalunga

⁷ Co Shukulu Kalunga wehwile ngwendi, “Omwo vikajo njisambesa vuvi vwa vanu vange? Vananjiseze nakulemesa vinjambi vangoco. Njalisile vanu vange noo vakutile, oloni valingile vupangala mu vinjuvo vya vikwizi.

Njelemiya 5:7 Iomraidhean Croise

2 Mizimbu 13:9

Mwashekele vaka-kukombelela va Shukulu Kalunga, vatekulwila va Alone, lalo mwashekele vaLevi. Co munemika vaka-kukombelela veka mu myela yavo ngwe muje muvakalingi vaka-miyati yeka. Munu woshe aija na muna ngombe nambe na vimanga vatanu na vavali nakulijelesa, yeni mumupwisa muka-kukombelela ku vinjambi veni vangoco.

Yombi 31:12

Cikapwa ngwe kunyongesa kwa tuhya, kwenyeka vyuma vyoshe vije njilinavyo.

Myaso 50:18

Yove ulikwata vusamba na mwizi woshe uje iwumona, co unalipandakana na vaka-vupangala.

Njelemiya 12:16

Miyati ya vanu ava vakevo valongesele vanu vange kulemesa Mbale. Oloni nga vakendeka ngwavo yange Kalunga njapwa Njambi wa vushunga, co vatava lalo vanu vange ngeci vavalongese muje vanapande kunjilemesela, miyati ya vanu veka ava navo lalo vakapwa vanu vange.

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 16:20

Kuma munu asa kulishongela vinjambi vendi ndi? Embwe, nga alingamo, co mwa vushunga kuvapu vinjambi vavavwa embwe.”

Njelemiya 2:11

Kukwesi muyati watengulukilile vinjambi vavo nameme vapwile vinjambi va makuli. Oloni yeni munakengesa nima yange Njambi yeni uje naminenela kasingimiko, co munakava vinjambi vaje kuvasa kumilingila cuma cimo.

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 3:19

Shukulu Kalunga alinakwendeka ngwendi, “Isalele, njashakele kukutambula ngeci upwe u munange nakukwana lifuti lyalivwa, lifuti lyalivwa manene mu kaye koshe. Njashekele ngwange unjitumbule nji isho ngeci kesi utunde lalo kuli yange.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Mbimbi 3:42

“Tunalingi vuvi nakukutengulukila, co yove Shukulu Kalunga, kuwatusambesele embwe.

Ezekiyele 22:11

Vamo valinakulinga vupangala, co vamo valinakukokweya vainamwenwavo kulinga navo vupangala nambe vandokazi vavo va vana va lwale.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 4:2

Valinga vikulaeso, co lalo vavipokola, vendeka makuli, nakutsiya, nakwiva, nakulinga vupangala. Muuka unatumu, co lalo kutsiya kwakulikavasana kulinakutwalao simbu yoshe.

Hoziya 7:4

Voshe vali na mashungu amavi vakujeneka kulongwa. Cizindo cavo cikakumuka ngwe vitale mu liko lya kwocela makende, vije kasa kushambeya muka-kwoca makende noo mukasha wa makende unafutunuka ngeci vawoce.

VaLevi 20:10

“Nga munalume alinga vupangala na munakazi wa mukwavo kaIsalele, muvuvali vwavo vavatsiye.

Amose 8:14

Co vaje vakalisingi na tumponya twa ku Samaliya, vaje vakendeka ngwavo, ‘Ali njambi wa ku Ndani,’ nambe ngwavo, ‘Ali njambi wa ku Mbeleshemba,’ co vanu va cifwa eci vakawa, kuvakenduka lalo.”

Zefaniya 1:5

Njikanyongesa vanu voshe vaje vakalondo akamwa ya njuvo nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

Ngalatiya 4:8

Mu myaka ya kunima kumwazivukile Njambi, ngecivene, mwapwile mu vindungo nakukundama kuli minzinzime ije kuyapwile vinjambi.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

Yoshwa 23:7

co kesi mukalikumbasane na vanu ava vanasalao akati keni nambe kutumbula mazina a vinjambi vavo, nambe kulisinga a mazina a vinjambi vavo, nambe kulemesa vinjambi vaje, nambe kuvatsikamena embwe.