Njelemiya 5:31 - Livulu lya Shukulu Kalunga

³¹ Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 5:31 Iomraidhean Croise

1 Vimyene 22:6

Ngecivene, Ahave wasanene vaka-kwimanena, vapwile 400, co wavehwile ngwendi, “Citava ngeci njiye nakulwisa Lamote nambe embwe?” Co vakevo vamukumbulwile ngwavo, “Ya ukavalwise. Shukulu Kalunga akakwana nzili yakuvafungulula.”

Visimo 17:4

Vaka-vuvi vakatolilila ku viyongola vya vuvi, co vaka-makuli vakatolilila ku makuli lalo.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 20:6

Omo vyuma evi vikalingiwa, vanu vaje vatungila ku ngenge ya ndonga ya mema a kalunga ya Filisitiya vakendeka ngwavo, ‘Kengeni vije vinalingiwa ku vanu vaje twajendamenene ngeci vatunyunge kuli mwene wa Asilya! Twasa kuyoya vatijo?’ ”

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 43:27

Kukulwila yeni wakulivanga walingile vuvi, vantwama veni valingile vuvi vwakunjilwisa,

Isaya 47:7

Yove wayongwele ngwove ukapwa vamwene simbu yoshe, oloni kuwaakeleko mbunge ku vyuma vije, nambe kuyongola ngwove vyuma evi vikahwa.

Njelemiya 12:4

Visimbu vingai lifuti lyetu likauma, na mwila wa mu mahya oshe ukajujwama? Tusitu na tuzila valinakutsa omwo vuvi vwa vanu vetu, vanu ava valyalesa nakwendeka ngwavo, “Njambi kamono evi tulinakulinga.”

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 26:7

Vaka-kukombelela, na vaka-kwimanena, na vanu voshe vaje vanjizivile njilinakwendeka vyuma evi mu Njuvo ya Shukulu Kalunga,

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Mbimbi 4:18

Vitozi vakele nakutukengelela, oloni kutwasele nameme kwenda mu vitapalo. Matangwa etu ahwile, co twetele ku shongo yawo.

Ezekiyele 13:10

“Vaka-kwimanena valinakuungumwisa vanu vange akwendeka ngwavo vyuma vyoshe vinapu vyavivwa. Oloni mwa vushunga vyuma vyoshe kesi vyavivwa embwe! Vanu vange vanatungu civumbe ca mamanya akushengenya, co vaka-kwimanena vanaija nakucikwita mufwitilo wakutoka.

Ezekiyele 13:6

Vimona vyavo vinapu vya makuli, na vuka-kwimanena vwavo vunapu vwa makuli. Valinakwendeka ngwavo valinakwambulula majwi ange, oloni kunjavatumine embwe. Oloni vashaka ngeci majwi avo apwe a vushunga!

Ezekiyele 22:14

Anga ukapwa uwakunyanyama ndi? Anga ukakala na nzili omo njikalinga evi nove ndi? Munjinendeka yange Kalunga, co njikacilinga.

Hoziya 4:9

Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

Hoziya 6:10

Njinamono cuma ca vunyengwe mu Isalele, vanu vange vanalijwalesa vakevo vavenya mukulemesa tumponya.

Hoziya 9:5

Vakalinga vati omo simbu ya matangwa a viwano vivemika vya kusingimika Shukulu Kalunga iketa?

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Mika 2:6

Vanu vakanjambulwila nakwendeka ngwavo, “Kesi utwambulwile. Kesi utwambulwile ovyo vyoshe. Njambi kakatuzivisa shwamwa embwe.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Kwituluka mu Mashiko 32:20

Co wendekele ngwendi, ‘Kunjikavakwasa lalo embwe, ngeci njikamone vije vikalingiwa kuli vakevo, vanu vakukaluwa vimbunge, vanu vakujeneka kulongwa.

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.