Njelemiya 5:22 - Livulu lya Shukulu Kalunga

²² Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Njelemiya 5:22 Iomraidhean Croise

Kushangumuka 1:9

Asinoni Njambi wendekele ngwendi, “Mema a mwisi ya lilu alikungulwile mu mutambela umolika ngeci kusholoke livu lyakuma.” Co calingiwile.

1 Vimyene 13:28

walondeleo, waile, wawanene muvila wa uje muka-kwimanena unalala mu ngila, cimulu na ndumba anga vanemanena kumukulo wawo. Co ndumba kalile uje muvila nambe kulwisa uje cimulu.

Yombi 26:10

Ikeye waangunwine ceke ku lisusulungu, na cipalo cakulizenga akamwa ya mema a kalunga.

Yombi 37:24

Ngecivene, vanu vakamukomoka, ikeye kesi kumbako mbunge, kuli vaje valiyongola vakevo vavenya kupwa vaka-mana.”

Yombi 38:8

Iyajo washokele vikolo vya kwimika mema a kalunga omo atuukile mu livu?

Myaso 104:9

Yove watwile nginga ngeci mema kesi ajombokeo, ngeci ano asi kesi ajalele.

Myaso 119:120

Njijaja manene omo njikuyongola, njili na lyova lya kusompa kwove.

Myaso 33:7

Ikeye wakungulwile mema kumolika, co washokele vinzinga vya mema mu mutambela umolika.

Myaso 46:3

nameme mema a kalunga akuma ngwe mwakohyo kasitu, nakulinga kalwa manene, co malundu aninganga manene na vukalu vwao.

Myaso 99:1

Shukulu Kalunga ikeye mwene, miyati yoshe inapande kujaja! Natumbama a litanda lyendi lya vakelumbi va mambava, asi anapande kundunduma.

Visimo 8:29

yange kunjakele omo watwile nginga ya mema a kalunga, ngeci mema a kalunga amwononokele. Yange kunjakele omo wajalele luvula lwa kaye.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 64:2

Pwa ngwe tuhya tuje tutupwisa mema. Ija usholole nzili yove kuli vitozi vove, na miyati ya vanu vajaje omwo uli kuyehi navo!

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Amose 4:12

“Ngecivene, yeni vanu va Isalele, njikaminyanyamesa. Omwo njinayongola kulinga cuma eci kuli yeni, co livwaeseleni cimweja kusompa cange!”

Amose 9:6

Shukulu Kalunga natungu limbo lyendi mwilu ya melu, co najala luvula lwendi ano asi. Ikeye akasana mema a kalunga nakuwetila ano asi. Lizina lyendi ikeye Shukulu Kalunga!

Yona 1:16

Asinoni vaje vaka-kujavula vazivilile Shukulu Kalunga lyova, co vakombelelele n̄ombelo kuli Shukulu Kalunga nakulikumiiya nendi.

Nahumi 1:4

Ashika mema a kalunga, co auma cau! Alingisa vindonga ngeci viwume cau. Na vulilo vwa Mbashane vuuma cau, Munkinda wa Kalemele uvenguluka, na vishani vya Munkinda wa Lembanone vijujwama.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mako 4:39

Co Yesu wemanene washikile lihunzi ngwendi, “Oloka kuluu!” Co lalo washikile mankimba ngwendi, “Kukale kulendama kuluu!” Co lihunzi lyemanene, co kwolokele kuluu.

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Kwituluka mu Mashiko 28:58

“Nga kumwononoka mashiko oshe aje vanasoneka mu livulu eli, co nga kumusingimika lizina lya Shukulu Kalunga Njambi yeni lya vumpau nakukomokesa,

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”