Njelemiya 5:13 - Livulu lya Shukulu Kalunga

¹³ Vaka-kwimanena vakambulula vuka-kwimanena vwa makuli, na lijwi lya Shukulu Kalunga lyaimo muli vakevo.

Njelemiya 5:13 Iomraidhean Croise

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Yombi 6:26

Yeni muyongola kuvayesa majwi ange, munayongola ngeci vyendeka vya munu wa seo, vinalifu na lihunzi lyakuhuwa.

Yombi 8:2

“Unamanesa laja kwendeka majwi ove angoco ndi?

Visimo 25:14

Vanu vaje vakakulaela vwana vuje kuvesi kwana, vanapu ngwe mashelwa na lihunzi, vije kuvyesi kunena nyonzi.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Njelemiya 14:13

Asinoni njendekele ngwange, “Shukulu Kalunga wa Akamwa ya Vyoshe, wazivuka ngeci vaka-kwimanena valinakuleka vanu ngwavo yove wakulaesele ngwove kukukakala nzita, nambe njala ya lyangengela, kukakala lika kwoloka mu lifuti lyetu.”

Njelemiya 14:15

Yange Kalunga njikuleka vije vinjikalinga kuli vaka-kwimanena vaje kunjatumine, vakevo valinakwendeka mu lizina lyange, vendeka ngwavo nzita na njala ya lyangengela kuvikakalamo mu lifuti lyavo, oloni njikavatsiila mu nzita nakuvalandwisa ku njala.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 28:3

Mu myaka ivali lika njikelwisa vufuko vwoshe vwa mu Njuvo yange ku mwela uno vuje vwatwalele Mwene Nevukaneza ku Mbambilone.

Njelemiya 43:2

Oloni Azaliya muna Hoshaya na Yohanane muna Kaleya, na vanalume vamo va kulyalesa vendekele kuli yange ngwavo, “Ulinakwendeka vya makuli. Shukulu Kalunga Njambi yetu kakutumine ngeci utuleke ngwove kesi tuye ku Ingito.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.