Njelemiya 5:12 - Livulu lya Shukulu Kalunga

¹² Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 5:12 Iomraidhean Croise

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Myaso 10:6

Endeka mu mbunge yendi ngwendi, “Kunjikonwa embwe, co lalo kunjikakala mu tuyando.”

Myaso 14:1

Vilema vendeka ngwavo, “Njambi waiko!” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Njelemiya 28:4

Co lalo njikelwisa mwene wa mu Yunda, na Yehoyakine muna Yehoyakime, amolika na vanu voshe va mu Yunda, vaje vaile mu vunzinda mu Mbambilone. Eyo, njikamanesa nzili ya mwene wa Mbambilone. Yange Kalunga, njinendekamo.”

Njelemiya 4:10

Asinoni njendekele ngwange, “Yove Shukulu Kalunga wa Akamwa ya Vyoshe, mwa vushunga unakwisa vanu va mu Yelusalema akwendeka ngwove kukakala kwoloka, oloni mukwale anga ucili ku milivu yavo.”

Njelemiya 43:1

Njamanesele kuleka vanu majwi oshe aje Shukulu Kalunga Njambi yavo, wanjitumineo kuvaleka.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Ezekiyele 13:6

Vimona vyavo vinapu vya makuli, na vuka-kwimanena vwavo vunapu vwa makuli. Valinakwendeka ngwavo valinakwambulula majwi ange, oloni kunjavatumine embwe. Oloni vashaka ngeci majwi avo apwe a vushunga!

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.

1 Yowano 5:10

Ngecivene, voshe vaje vanakulaela ali Muna Njambi vali na vukaleo ovu mu vimbunge vyavo, oloni voshe vaje kuvakulaelele Njambi, vanamupwisa ikeye muka-makuli, omwo vakevo kuvakulaelele vukaleo vuje vwendekele Njambi ali Munendi.

1 Samwele 6:9

Likengeleleni omo lilinakuya, nga likelyo lilinakukengesela ku nganda ya ku Mbete Shemeshe, co cikapwa ngeci kuma Njambi ya vaIsalele ikeye natunenelele vukalu vwakama ngacije. Oloni nga embwe, co tukazivuka ngwetu kesi ikeye natumine mushongo wangacije, cinapwile lika cuma cakulizila cikeco vavenya.”