Njelemiya 5:11 - Livulu lya Shukulu Kalunga

¹¹ Vanu va mu Isalele na vanu va mu Yunda mwa vushunga kesi va kulongwa kuli yange. Yange Kalunga, njinendekamo.”

Njelemiya 5:11 Iomraidhean Croise

Isaya 24:16

Tukaziva myaso yakutunda ku mitambela yakulyala ya ano asi yakushangazala Isalele, muyati wa vushunga. Oloni kunjesimo na cinyangavili! Njinanyongo! Vaka-makuli valinakulinga vungungu, co makuli avo anaama manene.

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 3:20

Oloni unapu ngwe munakazi uje napokola cikumiiyo ca vulo vwendi, yove kuwapwile wakujeneka kulongwa kuli yange. Yange Kalunga, njinendekamo.”

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Hoziya 5:7

Vanapu vakujeneka kulongwa kuli Shukulu Kalunga, co vana vavo kuvakundamene kuli ikeye embwe. Ngecivene, ololo vakevo na lifuti lyavo vakavanyongesa.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.