Njelemiya 49:8 - Livulu lya Shukulu Kalunga

⁸ Vanu va mu Ndendane tengulukeni nakutewa. Vandeni! Njikanyongesa vatekulwila va Isau, omwo simbu yange inete yakuvanyanyamesa.

Njelemiya 49:8 Iomraidhean Croise

Isaya 2:21

Omo Shukulu Kalunga akaija nakuningangesa kaye, vanu vakavanda mu viteke na mu manzenzengoma mu malundu a mamanya, kutewa vukalu vwa Shukulu Kalunga nakuvanda ku nzili ya vumpau vwendi.

Isaya 21:13

Awa akewo majwi aa Alambiya. Yeni vanu va mu Ndendane, vaje va matemba avo akatulila mu cilombo calaja mu lifuti lya Alambiya,

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Njelemiya 25:23

Ndendane, na Tema, na Mbuze, na vanu voshe vaje vatewile vin̄ambu vyavo,

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 48:28

“Yeni vanu muli mu Mowavi, pweni ngwe katela uje atungila lishwa lyendi kumukulo wa linzenzengoma.

Njelemiya 48:44

Woshe atewa omwo lyova, akawila mu citeke, co woshe uje akatuuka mu citeke, akatsa mu mweto, omwo Shukulu Kalunga nemika simbu ya tuyando twa Mowavi.

Njelemiya 48:6

Vendeka ngwavo, ‘Teweni, ameneni myonyo yeni! Shatukeni ngwe ngolo wa mu mambo!’

Njelemiya 49:30

“Vanu va Hazole, yange Kalunga njiminangula, teweleni kulyala mukavandeko. Mwene Nevukaneza wa Mbambilone natumbu vutumbe vwakumilwisa, evi vikevyo vyanendeka ngwendi,

Njelemiya 49:32

“Ambateni tumelo twavo, na vimuna vavo voshe! Njikashandwela mu mitambela mwoshe vanu vaje vanateula vin̄ambu vyavo, njikanena tuyando twakama ali vakevo ku mitambela yoshe.

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Ezekiyele 25:13

Ngecivene, njendeka ngwange njikanyanyamesa Endome nakutsiya vanalume voshe na tusitu voshe. Njikaipwisa mupulungwa, kutunda ku nganda ya Temane nakweta ku nganda ya Ndendane, co vanu vakavatsiila mu nzita.

Malakiya 1:3

co njamuzinda Isau na vatekulwila vendi. Njinatengulula lifuti lya malundu lya Isau kupwa mu ngundu nakuseza vushwana vwendi ku vimbanje va mu mambo.”

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Kujombolola 6:15

Asinoni vimyene va ano asi, na vaka-kushwana na vakulunu va nzita, vaka-kufuka na vaka-nzili, na vanu voshe veka lalo, ndungo na muka-kupatuka, vavandele mu manzenzengoma na mwisi ya mamanya a minkinda.

Maako 6:2

VaMindyani vapwile vaka-nzili kutuvakana vaIsalele, co vanu va Isalele vaile nakukavanda mu manzenzengoma na mu mitambela ikwavo yakujeneka vushonde mu malundu.

1 Samwele 13:6

VaFilisitiya valwisile vaIsalele manene, vavaakele mu vukalu vwakama. Co vamo va vaIsalele vavandele mu manzenzengoma a mamanya, na mu viteke, na mukati ka vimbulu vya mamanya, na mu masima.