Njelemiya 49:5 - Livulu lya Shukulu Kalunga

⁵ Co njikamizivisa lyova kuli vaje voshe vanamizengeleka noku-noku. Muvavoshe mukatewela kulyala. Co munu na munu akatewesa mwonyo wendi, co kukwesi umo lalo wa ali yeni akakungulwila amolika vaje vanaputumukao.

Njelemiya 49:5 Iomraidhean Croise

2 Vimyene 19:7

Shukulu Kalunga akazivisa mwene lingwavo lije likamwilwisila kwimbo lyavo, co Shukulu Kalunga akamutsiila kuje vene.”

Yombi 15:21

Majwi a muteto akujujwisa anakovela mu matwi endi, co vezi vamulwisa omo ayongola ngwendi ali mwamuvwa.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Isaya 16:3

Miluwa va Mowavi vendekele ku vanu va ku Yunda ngwavo, “Tulingeni mwamuvwa nakutukwasa. Tunyungeni, ngwe munzinze wa muti wakutonola a simbu ya litanya, tuhwimine mu munzinze weni. Tunapu tu vaka-kwija, tushwekeni kuje naumo wai asa kutuwanako.

Njelemiya 15:8

Vifwile mu Yunda vakapwa vavangi manene kutuvakana lishen̄avu lya ku mema a kalunga. Vakanyonga a simbu ya mutanya, co visemi va vanakazi vakalilila vana vavo, vwasi-vwasi tuyando na lyova vikaija ali vakevo.

Njelemiya 16:16

Shukulu Kalunga alinakwendeka ngwendi, “Njikatuma vaka-kuta visi vavangi kwija nakukwata vanu ava. Asina lalo njikatuma viyambi vavangi mukuyomba vanu ava mu minkinda na a malundu, na mu manzenzengoma, na mukati ka mamanya.

Njelemiya 20:4

Vavenya Shukulu Kalunga nendeka ngwendi, ‘Njikakupwisa muka-lyova, co lalo ukakala na lyova na vasamba vove, co voshe ukavamona vavatsiya vitozi vavo na mukwale. Njikana vanu voshe va mu Yunda mu livoko lya mwene wa ku Mbambilone, ikeye akavatwala mu vunzinda ku Mbambilone, co vamo akavatsiya.

Njelemiya 46:5

Shukulu Kalunga alinakwihula ngwendi, “Vika vije vinjamono? Mashwalale vavo vanavafungulula, lyova linavakwata, co valinakutewa lumbisi manene, kuvasa kukenga kunima lalo.

Njelemiya 49:29

Ambateni vimbalaka vyavo, na matanga avo a vimanga, na mavamba a mbalaka, na vyuma vyoshe vili mu vimbalaka vyavo. Ambateni na tumelo twavo, lekeni vanu ngweni, ‘Cova-ova cinamizengeleka!’

Njelemiya 6:25

Kesi mutuuke nakuya ku mahya nambe kwenda mu vingila, omwo vitozi vali na vitwa, co vushonde vuli kwoshe-ikwoshe.”

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Amose 4:3

Co vakamikokangeyela ku civumbe cakuvujuka ngeci vakamyumbile anja.”

Yoshwa 2:9

wendekele kuli vakevo ngwendi, “Njazivuka ngeci Shukulu Kalunga namyana lifuti eli. Munu na munu alinakulijajela mu lifuti lino omwo yeni.