Njelemiya 49:36 - Livulu lya Shukulu Kalunga

³⁶ Njikatuma vitozi kutunda ku mitambela yoshe kulwisa Elame, co njikashandwela vanu vendi ku mitambela yoshe, noo mafuti oshe akashula na vanu vakutunda ku Elame.

Njelemiya 49:36 Iomraidhean Croise

Myaso 147:2

Shukulu Kalunga atungulula Yelusalema, elwisa vanu va mu Isalele ku vunzinda.

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 49:32

“Ambateni tumelo twavo, na vimuna vavo voshe! Njikashandwela mu mitambela mwoshe vanu vaje vanateula vin̄ambu vyavo, njikanena tuyando twakama ali vakevo ku mitambela yoshe.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ndanyele 11:4

Oloni a simbu yendi yakushwana, co vumwene vwendi vukalyangunuka mu mitambela iwana. Co vimyene vaje kesi vatekulwila vendi vakashwana mu lipela lyendi, oloni kuvakakala na nzili ngwe ikeye embwe.

Ndanyele 8:22

Co vimbinga viwana vije vyengile mu mbinga ije yapokokele vinemanena vumwene vuwana vuje vukaangununa muyati uje, oloni kuvukakala na nzili ngwe vumwene vwakulivanga embwe.

Ndanyele 8:8

Co uje lijamba lya membe walyalesele manene, oloni omo wakolele, co ije mbinga yendi yakama yapokokele. Co mu mwela wayo mwamenene lalo vimbinga vikwavo viwana, co imo na imo yakengesele mu mutambela weka.

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Zakaliya 6:5

Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kujombolola 7:1

Munima yevi njamwene tungelo vawana vemanene ku vimbango viwana vya ano asi, vemikile lihunzi mu vimbango viwana ngeci kesi lihuwe asi, nambe a mema a kalunga, nambe ku muti woshe-iwoshe.