Njelemiya 49:35 - Livulu lya Shukulu Kalunga

³⁵ Wendekele ngwendi, “Njikatsiya vaka-mata a lusipa voshe vaje vanaana Elame nzili.

Njelemiya 49:35 Iomraidhean Croise

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 46:9

Ikeye amanesa vinzita ano asi oshe, akapokozola mata a lusipa na makunga, enyeka vintelo na tuhya!

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 22:6

Mashwalale va ku lifuti lya Elame vezile oku vanalondo a tuvalu, vambatele mata a lusipa na mikili. Co mashwalale va ku lifuti lya Kile valivwaeselele cimweja vintelo vyavo.

Njelemiya 50:14

“Yeni voshe vanalume vaka-kwasha mata a lusipa, likwalalekeni mu mundando muzengeleke Mbambilone nakuyilwisa. Asheni mikili yeni a Mbambilone omwo vanu vamwo vanavulumuna ku mesho ange yange Kalunga.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Njelemiya 51:56

Vanaija nakunyongesa Mbambilone, mashwalale vamwo vanavafungulula, mata avo a lusipa anapokozoka. Yange Njambi muka-kuhisa vuvi, co njikanyanyamesa Mbambilone ngwe ku vije viyalingile.

Hoziya 1:5

Co njikanyongesa nzili ya mashwalale va Isalele mu Cana ca Njezelele.”