Njelemiya 49:23 - Livulu lya Shukulu Kalunga

²³ Evi vikevyo vyendekele Shukulu Kalunga a Ndamasiku ngwendi, “Vanu va mu vinganda vya Hamate, na vanu va mu Alepande valinakulishoshomwena, omwo vanazivi muzimbu wauvi. Kulishoshomwena kulinakulizenga ali vakevo ngwe mema a kalunga aje kuwasa kulendemana, cinyangavili cavo cinahu.

Njelemiya 49:23 Iomraidhean Croise

Kushangumuka 14:15

Co Avilama waangunwine vanu vendi mu vimunga, nakulwisa vitozi a simbu ya vutsiki, ngeci vavafungulwile. Co wavashekele kweta na ku Homba ku kunto ya lifuti lya Ndamasiku,

Kushangumuka 15:2

Oloni Avilama wakumbulwile ngwendi, “Yove Shukulu Kalunga wa Akamwa ya Vyoshe, vuvwa mukajo cikapanga cikandelela cove kuli yange omwo yange kunjesi na vana? Elyazale wa ku Ndamasiku ikeye lika shwana yange.”

2 Samwele 17:10

Co nameme vanalume vakusimpa, vaje kuvesi na lyova ngwe vindumba, vakakala na lyova omwo munu woshe mu Isalele nazivuka ngeci isho wapwa lishwalale wamukalu, na vanu vendi vaka-kulwa manene.

2 Samwele 8:9

Omo Mwene Toi wa ku Hamate wazivile ngeci Ndaviti nafungulula mashwalale voshe va Handandezele,

1 Vimyene 11:24

cooni wapwile mukulunu wa munga ya viyambangani. (Eci calingiwile omo Ndaviti nafungulula laja Handandezele nakutsiya vaka-kumukwasa vaSilya.) Lezone na vanu vendi vaile nakutunga ku Ndamasiku, vanu vendi vamupwisile mwene wa Silya.

2 Vimyene 17:24

Mwene wa Asilya wambatele vanu vaje vakele mu vinganda vya Mbambilone na Kute na Ivaha na Hamate na Sefalevaime, co wavaakele mu vinganda vya Samaliya kwinga muli vaIsalele vaje vavatwalele ku vunzinda. Co vambatele vinganda evi nakutungamo.

2 Vimyene 18:34

Vali kulijo ololo vinjambi va ku Hamate na ku Alepande? Vali kulijo vinjambi va ku Sefalevaime na ku Hena na ku Ivaha? Kuma kuli umo wavo wamenene Samaliya ndi?

2 Vimyene 19:13

Vali kulijo vimyene va vinganda vya Hamate na Alepande na Sefalevaime na Hena na Ivaha?”

2 Vimyene 5:12

Kuma vindonga vya Ambana na Falepale, vije twaseza mu Ndamasiku kuvyapwile vyavivwa kutuvakana vindonga vyoshe vya mu Isalele ndi? Nga njajwelelemo kuma nga kunjakangukile?” Co waile oku naluvala.

2 Mizimbu 16:2

Ngecivene, Asa wambatele siliva na ngolinde vije vyakele mu Njuvo ya Shukulu Kalunga na mu lipela, co wavitumine ku Ndamasiku, kuli Mwene Mbenehandande wa ku Silya, wendekele ngwendi,

Kutuuka 15:15

Vantwama va ku Endome valikomokelele, vanalume va nzili va ku Mowavi valijajelele, vanu va mu Kanana vezokele vimbunge.

Isaya 10:9

Njafungulwile vinganda vya Kaleno na Kalekemishe, na vinganda vya Hamate na Alepande. Njafungulwile Samaliya na Ndamasiku.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 13:7

Mavoko a vanu akazeya, nakusimpa kwavo kukahwa.

Isaya 36:19

Vali kulijo ololo vinjambi va ku Hamate, na ku Alepande? Vali kulijo vinjambi va vaSefalevaime? Kuma kuli umo wavo waamenene Samaliya ndi?

Isaya 37:13

Vali kulijo vimyene va vinganda vya Hamate, na Alepande, na Sefalevaime, na Hena, na Ivaha?”

Isaya 57:20

Vaka-vuvi vanapu ngwe mema a kalunga aje kuwesi kukendama, aje mankimba awo kuwesi kulikela kungwanjanga, akanene mazilo na lindova.”

Isaya 7:8

Omwo vikajo? Omwo Silya kuyesi na nzili yakutuvakana Ndamasiku nganda yayo yakama, co lalo Ndamasiku kuyesi na nzili yakutuvakana Mwene Lezine. Ngeci ali Isalele ni, omo kwita myaka makumi atanu na umo na myaka itanu, vakashandoka kuyikapu lalo muyati.

Njelemiya 39:5

Oloni mbunga ya mashwalale va Mbambilone vavakavele, co vakakwatelele Zendekiya ku vyana vya kuyehi na Yeliko. Co vamutwalele ku nganda ya Limbela mu lifuti lya Hamate, co kuje Nevukaneza wamusompele nakumuwana ngeci ali na mulonga.

Ezekiyele 27:18

Vanu va ku Ndamasiku valandele vyuma vyove vyakulandesa na vivala vyove vavilandakanene na vinyu vya ku Heluvone na vwanda vwa ku Sahale.

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Nahumi 2:10

Nenevayi vanainyongesa, inapu ngundu, ili mupulungwa! Vimbunge vinazeye na lyova, mavuli alinakujaja, nzili inahu, na vihanga vinafufutuka.

Kulava 13:21

Ngecivene, vaje vanu vaile, co vakanengele lifuti kutunda mu Mambo ya Zine mu mbwela kweta na ku Lehombe, kuyehi na Cikolo ca Hamate ku kunto.

Vilinga vya Miluwa 27:20

Co matangwa amangi kutwasele kumona litangwa nambe vingongonosi, co lihunzi lyakele nakuhuwa manene. Co akukotoka kutwakele na cinyangavili cakwovoka.

Vilinga vya Miluwa 9:2

co wakalombele mikanda ya vukaleo yakuya nayo ku masinangonge aje akele mu Ndamasiku, ngecivene, nga akawana vamo vaka-kukava Ngila ya Mwene, munakazi nambe munalume, avakwate nakuvatwala ku Yelusalema.

2 Kolinte 11:32

Omo njakele mu Ndamasiku, nguvulu uje wakele mwisi ya Mwene Aletase waakele vaka-kunyunga ku vikolo vya nganda ngeci vanjikwate.

Kwituluka mu Mashiko 20:8

“Co vamyata vakendeka lalo kuli vaje vanu ngwavo, ‘Kuli munu umo kuno uje wapwa muka-munjunju na lyova? Nga kwali, co eluke kwimbo, kutewa akajajesa vakwavo.’

Yoshwa 14:8

Oloni vaje vanu njaile navo, nameme vakevo vazivisile lyova vanu vetu, oloni yange njakulaelele nakwononoka Shukulu Kalunga Njambi yetu na mbunge yange yoshe.

Yoshwa 2:11

Omo twazivile vyuma evi, vimbunge vyetu vyazeyele, co tuvavoshe twalijujukilile omwo yeni, omwo Shukulu Kalunga Njambi yeni wapwa Njambi wa mwilu na ano asi.