Njelemiya 49:2 - Livulu lya Shukulu Kalunga

² Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Njelemiya 49:2 Iomraidhean Croise

2 Samwele 11:1

Kukuhwa kwa mwaka, simbu ije vimyene vakele nakuya nakulwa nzita, Ndaviti watumine Yowave na vamyata vendi na mbunga ya mashwalale vaIsalele, vafungulwile vaMowavi nakuzengeleka nganda ya Lamba. Oloni Ndaviti wasalele mu Yelusalema.

Myaso 48:11

Munkinda wa Siyone ujolele! Vana va vanakazi va ku Yunda vavwaelele, omwo kusompa kwove kwapwa kwa vushunga!

Myaso 97:8

Yove Shukulu Kalunga omo vanu va Siyone na vanu va Yunda vaziva kusompa kwove kwa vushunga, co vajolela.

Isaya 11:14

Co voshe amo vakalwisa vaFilisitiya vaje vakala ku mutambela wa mu kangombe ka yambi, co vakapukula vufuko vwa vanu vaje vakala mu ngangela. Vakafungulula vanu va ku Endome, na Mowavi, co vaAmoni vakavononoka.

Isaya 17:1

Shukulu Kalunga wendekele ngwendi, “Ndamasiku kuyikapu lalo nganda, oloni ikapwa nganda yakusiwuka.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 49:1

Evi vikevyo vyendekele Shukulu Kalunga ali Amoni ngwendi, “Vali kulijo vanalume va Isalele? Kukwesi umo wa ali vakevo wakwimanena lifuti lyavo ndi? Omwo vikajo vatava vanu vaje vaka-kulemesa Moleki kutambula lifuti lya muyati wa Ngande nakutungamo?

Ezekiyele 21:20

Ngila imo ikamwesa mwene ngila yakuya ku nganda ya vaAmoni ku Lamba, co ngila ikwavo yakuya ku Yunda, ku Yelusalema nganda ya cimpaka.

Ezekiyele 21:25

“Yove muka-vuvi, muka-kushwana wa Isalele wakujela, litangwa lya cihiso cove cakumanesela lilinakwija.

Amose 1:14

Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

Ovandiya 1:19

“Vanu va ku Nengeve, vakatambula Lilundu lya Isau, vanu va ku Shefela, vakatambula lifuti lya Filisitiya, vakakala mu lifuti lya Efalime, na mu lifuti lya Samaliya, vaMbenjemani vakatambula lifuti lya Ngilyande.

Kulava 10:9

Omo muli mu nzita mu lifuti lyeni, mukalyamena ku vitozi veni vaje valinakumilwisa, mukaimba malupembo kashashutwiya, co vakamyanuka kuli Shukulu Kalunga Njambi yeni, ngeci akamyamene ku vitozi veni.

Kulava 21:25

Ngecivene, vanu va vaIsalele vafungulwile membo oshe a vaAmoli, amo na Heshevone, na membo oshe aje ayizengelekele, co vatungile mukati kavo.

Kwituluka mu Mashiko 13:16

Ngecivene, mukakungulwila vivala vyavo vyoshe mukati ka nganda, co mukenyeka ije nganda na vyoshe vilimo kupwa n̄ombelo kuli Shukulu Kalunga Njambi yeni. Co ije nganda ikapwe ngundu ku myaka yoshe. Naumo wai akaitungulula lalo.

Kwituluka mu Mashiko 3:11

(Kuvanga lika Mwene Onge ikeye wasaleleo kuli vaLefaime. Cikasa cakwaka muvila wendi capwile ca vutale, mu vulaja capwile mamita awana, na mu vwihi capwile mamita avali, ngwe ku seteko ije vemika. Co na ololo twasa kuciwana mu nganda ya vaAmoli mu Lamba.)

Yoshwa 17:11

Co mu lifuti lya Isakale, na Ashele, Manase vamwanenemo nganda ya Mbete Shane, na Imbelyame, na vinganda vije vyazengelekeleko na Ndole nganda ije yakele ku cikuma, na Endole, na Tanaake, na Mengindo, na vinganda vije vyazengelekeleko.

Yoshwa 17:16

Co vatekulwila va Yosefa vamukumbulwile ngwavo, “Lifuti lya malundu linapu lyalindondo, oloni vaKanana vaje vali mu vyana vali na matemba a vikuvo, na vaje vakala mu Mbete Shane, na vinganda vije vyazengelekako na vaje vakala mu Cana ca Njezelele.”