Njelemiya 49:12 - Livulu lya Shukulu Kalunga

¹² “Nameme vaje kuvapandele kuvanyanyamesa, oloni kuvanga vanwe mu nganja ya kusompa, kuma mwayongola ngweni mukaya ngoco kuminyanyamesa ndi? Embwe, kuvanga munwe mu nganja ije vene!

Njelemiya 49:12 Iomraidhean Croise

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Njelemiya 25:15

Shukulu Kalunga, Njambi ya Isalele, wendekele kuli yange ngwendi, “Nganja ya vinyu eyi inashulu na vukalu vwange. Itwale kuli voshe vaje kesi vaYunda kuje njikakutuma, co vanwiseyo.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 46:27

“Vanu vange kesi muzive lyova, vanu va Isalele kesi mujaje embwe. Njikamipatula mu lifuti lije lya kulyala, mu lifuti lije mwakele mu vunzinda. Mukeluka lalo kwimbo nakukala mu kwoloka, mukakala mwamuvwa, co naumo wai akamizivisa lyova.

Ovandiya 1:16

Vanu vange vananwila nganja ya cihiso yakulula a lilundu lyange lyakujela. Oloni miyati yoshe vaje vanamizengeleka, anga vakanwa nganja ya cihiso ikwavo yakulula. Vakainwa yoshe njwa, co vakanyonga.

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”