Njelemiya 48:7 - Livulu lya Shukulu Kalunga

⁷ “Mowavi, yove wakulaela nzili yove na vufuko vwove, oloni vakakufungulula nakukutwala mu vunzinda, amolika na njambi yove Kemoshe, amolika na vana vendi va vimyene na vaka-kukombelela vendi.

Njelemiya 48:7 Iomraidhean Croise

2 Samwele 5:21

Omo vaFilisitiya vatewele, vasezele tumponya twavo kunima, co Ndaviti na vanu vendi vatwambatele.

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

Myaso 40:4

Navezika munu uje akulaela kuli Shukulu Kalunga, munu uje kesi kutengulukila ku tumponya, nambe kulipandakana na vanu vaje vaka-kulemesa vinjambi va makuli.

Myaso 52:7

“Kengeni, munalume ou kakulaelele Njambi, oloni wakulaelele vufuko vwendi vwavungi, nakunyongesa vakwavo na muuka!”

Njelemiya 13:25

Shukulu Kalunga nendeka ngwendi ou ukewo mutambela wove unjinakwana, omwo unanjivala, co unakulaela vinjambi va makuli.

Njelemiya 43:12

Akenyeka vinjuvo vya vinjambi va Ingito, akenyeka vinjambi vavo, nambe kuvatwala ku vunzinda. Ngwe kanyungi atwena viina a vuzalo vwendi, ngecivene, mwene wa Mbambilone akajelesa lifuti lya Ingito, co akatundamo mu kwoloka.

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Njelemiya 48:46

Luvinda lwa vanu va ku Mowavi! Vanu vaje valemesele Kemoshe vanavanyongesa, co vana vavo va vanalume na ava va vanakazi, vanavatwala ku vunzinda.

Njelemiya 49:3

Vanu va ka Heshevone, lileni manene! Nganda ya Ai inanyongo! Vanakazi va mu Lamba, lileni! Zaleni vikeleya nakulila. Shatozokeni mu kuuya-uya, omwo njambi yeni Moleki vakamutwala mu vunzinda amolika na vaka-kukombelela vendi na vamyata.

Njelemiya 49:4

Omwo vikajo yeni vanu vakujeneka kulongwa mukalishasha? Nzili yeni ilinakuhwa. Omwo vikajo mwakulaela mu nzili yeni vavenya, nakwendeka ngweni naumo wai akatulwisa?

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Hoziya 10:13

Oloni mwakunine vuvi na kuteja vuvi lalo. Munali ku vushuka vuje vwatundu ku makuli eni. “Omo mwakulaelele a matemba eni a nzita, na a vungi vwa mashwalale veni,

Kulava 21:29

Luvinda lweni, yeni vanu va Mowavi! Yeni vaka-kulemesa Kemoshe munanyongo! Vinjambi veni vapwisa vanalume ngwe vaka-kwija, co vanakazi ngwe vavanafungulula kuli Mwene Sihone wa vaAmoli.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’

Maako 11:24

Co mushaka kutambula mutambela wavo ndi? Wasa kunyunga vyoshe vije vyanakwana njambi yove Kemoshe. Co yetu lalo tunyunga vyuma vyoshe vije vyanatwana Shukulu Kalunga Njambi yetu.